ଦାରିଙ୍ଗବାଡ଼ି, ୨୫/୧୧ : କନ୍ଧମାଳ ଜିଲା ଦାରିଙ୍ଗବାଡ଼ିରେ ତୃତୀୟ ବର୍ଷ ପାଇଁ ରାଜ୍ୟ ସରକାରଙ୍କ ଇକୋରିଟ୍ରିଟ ହେଉଛି। ଏହି ପରିପ୍ରେକ୍ଷୀରେ ନୂତନ ଜମିରେ ଚଳିତ ବର୍ଷ ଇକୋରିଟ୍ରିଟ କରାଯାଉଥିବା ବେଳେ ଯୁଦ୍ଧକାଳୀନ ଭିତ୍ତିରେ ବହୁତ କମ୍ ସମୟ ମଧ୍ୟରେ ଏକ ପାହାଡ଼ ଉପରେ ଏହି ଇକୋରିଟ୍ରିଟ କରାଯାଇଛି। ଏଥିପାଇଁ ପାହାଡ଼କୁ ସମତଳ କରାଯାଇ ଷ୍ଟେପ୍ କରାଯାଇଛି। ଏହା ସହିତ ନୂତନ ବିଦ୍ୟୁତ୍ ଯୋଗାଣ ସମେତ ପିଇବା ପାଣି ବ୍ୟବସ୍ଥା, ଫାଇବର ବ୍ଲକ କାର୍ଯ୍ୟ ସମେତ କଟେଜ ନିର୍ମାଣ, ପର୍ଯ୍ୟଟକଙ୍କ ପାଇଁ ବିଭିନ୍ନ ଇଭେଣ୍ଟ ବ୍ୟବସ୍ଥା, ଇକୋରିଟ୍ରିଟକୁ ଯାତାୟାତ ପାଇଁ ରାସ୍ତା ସମ୍ପ୍ରସାରଣ କାର୍ଯ୍ୟକୁ ଯୁଦ୍ଧକାଳୀନ ଭିତ୍ତିରେ କରାଯାଇଛି। ଦାରିଙ୍ଗବାଡ଼ି ବିଡିଓ ଗଦାଧର ପାତ୍ରଙ୍କ ତତ୍ତ୍ୱାବଧାନରେ ତହସିଲଦାର ଡ.ଅଶୋକ କୁମାର ଦାସ, ପୂର୍ତ୍ତ ବିଭାଗର ସହକାରୀ ନିର୍ବାହୀ ଯନ୍ତ୍ରୀ ବ୍ରଜକିଶୋର ମହାପାତ୍ର, କନିଷ୍ଠ ଯନ୍ତ୍ରୀ ପ୍ରଦୀପ ସ୍ବାଇଁ ବିଦ୍ୟୁତ୍ ବିଭାଗ ଯନ୍ତ୍ରୀଙ୍କ ସମେତ ବିଭିନ୍ନ ବିଭାଗର ଅଧିକାରୀ କାର୍ଯ୍ୟକୁ ପ୍ରାଥମିକତା ଦେଇ କାର୍ଯ୍ୟ କରୁଛନ୍ତି। ଡିସେମ୍ବର ପହିଲାରେ ଏହାର ଶୁଭ ଉଦ୍ଘାଟନ କରାଯିବାକୁ ରହିଥିବା ବିଭାଗ ପକ୍ଷରୁ କୁହାଯାଇଛି। କନ୍ଧମାଳ ଜିଲାପାଳ ଆଶିଷ ଈଶ୍ୱର ପାଟିଲ ବାରମ୍ବାର ବାରମ୍ବାର ଦାରିଙ୍ଗବାଡ଼ି ଗସ୍ତରେ ଆସି ନିର୍ମାଣାଧୀନ ଇକୋରିଟ୍ରିଟର କାର୍ଯ୍ୟ ତଦାରଖ କରୁଥିବା ବେଳେ ପର୍ଯ୍ୟଟନ ବିଭାଗ ନିର୍ଦ୍ଦେଶକ ସଚିନ ରାମଚନ୍ଦ୍ର ଯାଦବ ମଙ୍ଗଳବାର ଦାରିଙ୍ଗବାଡ଼ିରେ ଇକୋରିଟ୍ରିଟ କାର୍ଯ୍ୟ ପରିଦର୍ଶନ ସହ ସମୀକ୍ଷା କରିଛନ୍ତି। ବିଧାୟକ ସାଲୁଗା ପ୍ରଧାନଙ୍କ ସମେତ ସ୍ଥାନୀୟ ପ୍ରଶାସନିକ ଅଧିକାରୀ ଆଲୋଚନା କରିବା ସହ ଦାରିଙ୍ଗବାଡ଼ିର ବିଭିନ୍ନ ପର୍ଯ୍ୟଟନକ୍ଷେତ୍ର ପରିଦର୍ଶନ କରିବା ସହ କଫି ବଗିଚା ଏବଂ କଫି କାଫେ ହେବାକୁ ରହିଥିବା ସ୍ଥାନ ପରିଦର୍ଶନ କରିଛନ୍ତି। ଏଥିସହ ତୁରନ୍ତ କାର୍ଯ୍ୟ ଶେଷ କରିବାକୁ ନିର୍ଦ୍ଦେଶ ଦେଇଛନ୍ତ।
