ଦାରିଙ୍ଗବାଡ଼ି,୧୪/୧୧ : ମହିଳା ମାନଙ୍କୁ ସଶକ୍ତିକରଣ କରିବା ପାଇଁ ବାଲିଗୁଡା ସମନ୍ୱିତ ଆଦିବାସୀ ଉନ୍ନୟନ ସଂସ୍ଥାର ମିଶନ ଜୀବିକା କାର୍ଯ୍ୟକ୍ରମ ଜରିଆରେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଉଛି । ଏଭଳି ଭାବେ ବାଲିଗୁଡା ଆଇଟିଡ଼ିଏ ପକ୍ଷରୁ ପ୍ରକଳ୍ପ ପ୍ରଶାସକ ମଧୁସୂଦନ ବେହେରା,ପ୍ରକଳ୍ପ ପରିଚାଳକ ସମୀରନ ନାୟକଙ୍କ ଉପସ୍ଥିତ କ୍ରମେ ଡ଼ିଡ୍ରବାଡ଼ି ଗ୍ରାମର ଶାନ୍ତିମୟୀ,ଛଡାକିଆ ଗ୍ରାମର ଜିହବାଜିରି ମହିଳା ସ୍ୱୟଂ ସହାୟକ ଗୋଷ୍ଟିଙ୍କୁ ଧାନକଳ ସହ ପାୱାର ଟିଲର ଦିଆଯାଇଥିଲା । ଏଥି ସହିତ ବେଙ୍ଗେମାହା ଗ୍ରାମର ଦୀପ୍ତିମୟୀ ମହିଳା ଗୋଷ୍ଟିଙ୍କୁ ମକା ଚୁନାକଳ ଦିଆଯାଇଥିବା ସହ ୧୦୦ ଗୋଟି ପ୍ଲାଷ୍ଟିକ ଟ୍ରେ ଓ ୬ ଗୋଟି ମକା ମଞ୍ଜି ଛଡା ମେସିନ ଦିଆଯାଇଥିଲା । ଏହାକୁ ଜୀବିକା କାର୍ଯ୍ୟଦକ୍ଷ ନିର୍ବାହୀ ଦେବାଶିଷ ନାୟକ ପରିଚାଳନା କରିଥିଲେ ।
