ବୁଗୁଡା (୧୨/୧୦) : ବୁଗୁଡ଼ା ଥାନା ଅନ୍ତର୍ଗତ ଖୋଳଖାଳି ଗ୍ରାମର ଗୁଡିସାହିରେ ଅଗ୍ନିକାଣ୍ଡ ଘଟି ଦଣ୍ଡପାଣି ବେହେରା ଓ ସଞ୍ଜୟ ପ୍ରଧାନଙ୍କ ବଖରାଏ ଲେଖାଏଁ ଘର ପୋଡ଼ି ଯାଇଥିବା ଜଣାଯାଇଛି । ଘଟଣାରୁ ପ୍ରକାଶ ଯେ , ଆଜି ସକାଳେ ସର୍ଟ ସର୍କିଟ୍ ଯୋଗୁଁ ଦଣପାଣିଙ୍କ ଘରେ ନିଆଁ ଲାଗି ପରେ ଏହା ତାଙ୍କର ପଡୋଶୀ ସଞ୍ଜୟଙ୍କ ଘରକୁ ବ୍ଯାପିଥିଲା । ଗାଁ ଲୋକେ ନିଆଁ ଲିଭାଇବାକୁ ଉଦ୍ଯମ ଜାରି ରଖିଥିବା ବେଳେ ସେଠାରେ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡରେ ଦଣ୍ଡପାଣିଙ୍କ ଘରେ ହୋଇଥିବା ତେଜରାତି ଦୋକାନର ସମସ୍ତ ସାମଗ୍ରୀ ପୋଡି ନଷ୍ଟ ହୋଇଯାଇଥିବା ଜଣାଯାଇଛି ।
