ବୁଗୁଡା : ସ୍ଥାନୀୟ ପିପୁଲ୍ସ ହାଇସ୍କୁଲ ମିନି ଷ୍ଟାଡିୟମରେ ବୁଗୁଡ଼ା ବ୍ଲକ ସ୍ତରୀୟ ଆନ୍ତଃ-ବିଦ୍ଯାଳୟ ଫୁଟବଲ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି ।ଏଥିରେ ବ୍ଲକର ୧୩ଟି ବିଦ୍ୟାଳୟର ବାଳକ ଦଳ ଓ ୪ଟି ବିଦ୍ୟାଳୟର ବାଳିକା ଦଳ ଅଂଶ ଗ୍ରହଣ କରିଥିଲେ । ବୁଗୁଡ଼ା ବ୍ଲକ ବିଦ୍ୟାଳୟ କ୍ରୀଡା ସଂଘ ପକ୍ଷରୁ ଆୟୋଜିତ ଉକ୍ତ ଟୁର୍ଣ୍ଣାମେଣ୍ଟକୁ ସଭାପତି ତଥା ବିଇଓ ପ୍ରସନ୍ନ କୁମାର ବେହରା ଉଦଘାଟନ କରିଥିଲା ବେଳେ ଏବିଇଓ ପ୍ରମୋଦ ଚନ୍ଦ୍ର ସେନାପତି ଓ ପିପୁଲ୍ସ ହାଇସ୍କୁଲର ଭାରପ୍ରାପ୍ତ ପ୍ରଧାନ ଶିକ୍ଷକ ପ୍ରଶାନ୍ତ କୁମାର ଗୌଡ ଯୋଗଦେଇ ପ୍ରତିଯୋଗୀଙ୍କୁ ଉତ୍ସାହିତ କରିଥିଲେ ।
ଏହି ଟୁର୍ଣ୍ଣାମେଣ୍ଟର ମ୍ଯାଚ୍ ଗୁଡିକ ପରିଚାଳନା କରିବା ପାଇଁ କ୍ରୀଡା ଶିକ୍ଷକ ବିଭୂ ପ୍ରସାଦ ନନ୍ଦ, ପ୍ରଣବ ମହାନ୍ତ , ଲିଙ୍ଗରାଜ ବାରିକ , ବିନୋଦ ବେହେରା ଓ ଶିକ୍ଷୟିତ୍ରୀ ରାଜଲକ୍ଷ୍ମୀ ସ୍ବାଇଁ ପ୍ରମୁଖ ରେଫେରି ଭାବେ ନିୟୋଜିତ ଥିଲେ । ବୁଗୁଡା ବ୍ଲକର ବିଦ୍ୟାଳୟ କ୍ରୀଡା ସଂଘ ସମ୍ପାଦକ ବିଶ୍ବେଶ୍ବର ଗିରିଙ୍କ ତତ୍ତ୍ବାବଧାନରେ ଆୟୋଜିତ ଉକ୍ତ ଟୁର୍ଣ୍ଣାମେଣ୍ଟର ସୁପରିଚାଳନାରେ କ୍ରୀଡା ଶିକ୍ଷକ ପ୍ରଦୀପ କୁମାର ନାୟକ , ଆଦିତ୍ୟ ପ୍ରଧାନ , ଗୋପାଳ ପାତ୍ର ଓ ଅମୀୟ ରଞ୍ଜନ ଭୂୟାଁ ପ୍ରମୁଖ ସକ୍ରିୟ ସହଯୋଗ କରିଥିଲେ । ପ୍ରକାଶ ଯୋଗ୍ୟ ଯେ , ଆଗାମୀ ଜୋନାଲ୍ ସ୍ତରୀୟ ଫୁଟବଲ୍ ଟୁର୍ଣ୍ଣାମେଣ୍ଟରେ କ୍ଯାପଟେନ୍ ରାହୁଲ ବିଷୋୟୀଙ୍କ ନେତୃତ୍ତ୍ଵରେ ବାଳକ ଦଳ ଏବଂ କ୍ଯାପଟେନ୍ ନନ୍ଦିନୀ ବେହେରାଙ୍କ ନେତୃତ୍ତ୍ଵରେ ୧୪ ଜଣିଆ ବାଳିକା ଦଳ ଅଂଶ ଗ୍ରହଣ କରିବେ ।
