ବୁଗୁଡା : ବୁଗୁଡ଼ା ବ୍ଲକ ବି.କରଡ଼ାବାଡ଼ି ଗ୍ରାମରେ ଆଗାମୀ ଗଜଲକ୍ଷ୍ମୀ ପୂଜା ଉପଲକ୍ଷେ ଗାଁ ବଡଦାଣ୍ଡରେ ଶୁଭ ଖୁଣ୍ଟି ସ୍ଥାପନ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ପୁରୋହିତ ଭାବେ କାହ୍ନୁ ଚରଣ ଦାଶ ଯୋଗ ଦେଇ ଯଥା ରୀତିନୀତି ପ୍ରକାରେ ପୂଜାପାଠ ସମ୍ପାଦନ କରିଥିବା ବେଳେ ଗୋପାଳ ଚନ୍ଦ୍ର ନାୟକ କର୍ତ୍ତା ଭାବେ ଦାୟିତ୍ବ ନିର୍ବାହ କରିଥିଲେ । ସେହିପରି ବୁଗୁଡ଼ା ହାଇସ୍କୁଲ ଛକ ପୂଜା କମିଟି ପକ୍ଷରୁ ଆସନ୍ତା ଗଜଲକ୍ଷ୍ମୀ ପୂଜା ଉପଲକ୍ଷେ ଶୁଭଖୁଣ୍ଟି ସ୍ଥାପନ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ପୁରୋହିତ ଭାବେ ମନୋଜ କୁମାର ଦାଶ ଯୋଗ ଦେଇ ପୂଜାପାଠ କାର୍ଯ୍ୟ ସମ୍ପାଦନ କରିଥିବା ବେଳେ କାଳିଆ ନାୟକ କର୍ତ୍ତା ଦାୟିତ୍ବ ତୁଲାଇ ଥିଲେ । ଦୁଇ ବର୍ଷ ହେଲା କରୋନା ଯୋଗୁଁ ପୂଜା ଉତ୍ସବ ଫିକା ପଡିଥିଲେ ହେଁ ଚଳିତ ବର୍ଷ ମା ଗଜଲଷ୍ମୀଙ୍କ ପୂଜା ଜାକଜମକରେ ହେବ ବୋଲି ପୂଜା କମିଟି ପକ୍ଷରୁ ପ୍ରକାଶ ପାଇଛି ।
