କଟକ: ଲଗାଣ ବର୍ଷାରେ ବେହାଲ ଓଡ଼ିଶା । ଉପରମୁଣ୍ଡରେ ପ୍ରବଳ ବର୍ଷା ଓ ହୀରାକୁଦ ଡ୍ୟାମରୁ ଜଳ ନିଷ୍କାସିତ ହେଉଥିବାରୁ ମହାନଦୀରେ ବଢ଼ିବାରେ ଲାଗିଛି ବନ୍ୟାଜଳ । ମହାହନଦୀରେ ବନ୍ୟାଜଳ ବୃଦ୍ଧି ପାଉଥିବାରୁ କଟକ ଜିଲ୍ଲା ବଡ଼ମ୍ବାର ଅଧିଷ୍ଠାତ୍ରୀ ଦେବୀ ମା ଭଟ୍ଟାରିକାଙ୍କ ମନ୍ଦିର ଗମ୍ଭୀରା ମଧ୍ୟରେ ପଶିଛି ବନ୍ୟାଜଳ ।
ବନ୍ୟାଜଳ ବୃଦ୍ଧି ପାଉଥିବାରୁ ମା’ଙ୍କ ଚଳନ୍ତୀ ପ୍ରତିମାକୁ ମନ୍ଦିର ନିକଟରେ ଥିବା ରତ୍ନଗିରି ପର୍ବତରେ ଥିବା ଅସ୍ଥାୟୀ ଗମ୍ଭୀରାକୁ ସ୍ଥାନାନ୍ତର କରିଛନ୍ତି ସେବାୟତ । ମାଆଙ୍କର ପୂଜା ରୀତିନୀତିରେ ସମାପନ ହେବା ନେଇ ସେବାୟତ କହିଛନ୍ତି । ସେପଟେ ଗ୍ରାଉଣ୍ଡରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି ଜିଲ୍ଲାପାଳ ।
