ଭୋଗରାଇ : ଅଟୋରୁ ଖସପଡିଲେ ମହିଳା, ଉପରେ ମାଡିଗଲା ପଛରେ ଆସୁଥିବା ଡମ୍ପର । ଭୋଗରାଇ ଲକ୍ଷ୍ନୀନାରାୟଣ ମନ୍ଦିର ନିକଟରେ ଘଟିଛି ଏହି ଦୁର୍ଘଟଣା । ମୃତକ ପଶ୍ଚିମବଙ୍ଗ ହୁଗୁଳିର ବନଶ୍ରୀ ସାହା । ମହିଳାଙ୍କ ବୟସ ୩୧ ବର୍ଷ ବୋଲି ସୂଚନା ରହିଛି ।
ଖବର ଅନୁଯାୟୀ, ପଶ୍ଚିମବଙ୍ଗ ହୁଗୁଳି ଜିଲ୍ଲାରୁ ୨୦ ଜଣ ପର୍ଯ୍ୟଟକ ଦୀଘା ବୁଲିବାକୁ ଆସିଥିଲେ। ଆଜି ସକାଳେ ୬ ଜଣ ପର୍ଯ୍ୟଟକ ଚନ୍ଦନେଶ୍ବର ମନ୍ଦିରକୁ ବୁଲିବାକୁ ଯାଉଥିବା ବେଳେ ଭୟଙ୍କ ଦୁର୍ଘଟଣା ଘଟିଥିଲା। ଚନ୍ଦନେଶ୍ବର ମନ୍ଦିର ଅଭିମୁଖେ ଅଟୋ ଯାଉଥିବା ବେଳେ ଲକ୍ଷ୍ମୀନାରାୟଣ ମନ୍ଦିର ନିକଟରେ ବଡ଼ ହମ୍ପସରେ ମହିଳା ଜଣକ ରାସ୍ତାରେ ଖସି ପଡିଥିଲେ । ଠିକ୍ ସେହି ସମୟରେ ପଛପଟୁ ଦ୍ରୁତ ଗତିରେ ଆସୁଥିବା ହାଇୱା ତାଙ୍କ ଉପରେ ମାଡି ଯାଇଥିଲା। ଘଟଣାସ୍ଥଳରେ ମହିଳାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଜଳେଶ୍ବରପୁର ମେଡିକାଲକୁ ପଠାଯାଇଥିଲା। ମାତ୍ର ଡାକ୍ତର ସେଠାରେ ମହିଳାଙ୍କ ମୃତ୍ୟ ଘଟିଥିବା ଘୋଷଣା କରିଥିଲେ।
