ଚୌଦ୍ୱାର: ଚୌଦ୍ୱାର ଥାନା ଅଧିନ ବାଣୀପଦା ପଞ୍ଚାୟତ ସ୍ଥିତ ଆରଆଇ କାର୍ଯ୍ୟାଳୟ ପାଖରେ ଥିବା ଏକ ଭଙ୍ଗା ଘର ଭିତରୁ ଜଣେ ମାନସିକ ବିକୃତ ମହିଳା ଓ ତାର ଶିଶୁପୁତ୍ରକୁ ଉଦ୍ଧାର କରାଯାଇଛି । ଜଣେ ଅର୍ଦ୍ଧଲଗ୍ନ ମହିଳା ଏକ ଶିଶୁକୁ ଧରି ବସିଥିବା ଦେଖି ସ୍ଥାନୀୟ ଯୁବ ସମାଜସେବୀ ଉଦ୍ଧାର ଫାଉଣ୍ଡେସନ୍କୁ ଖବର ଦେଇଥିଲେ । ଫାଉଣ୍ଡେସନ୍ ସଭାପତି ନରୋତ୍ତମ ଦାସଙ୍କ ଅନୁରୋଧ କ୍ରମେ ଚୌଦ୍ୱାର ଥାନାର ଏସ୍ ଆଇ ମାନସ ରଞ୍ଜନ ମହାରଣା ଫାଉଣ୍ଡେସନର ସଦସ୍ୟା ପ୍ରମିଳା ଓଝା, ଗୋଲାପ ସିଂ, ଖୁଲଣା ସାହୁ, କାହ୍ନୁ ଚରଣ ସେଠୀ, ବିନୋଦ ପ୍ରଧାନ, ଶ୍ରୀକାନ୍ତ ଜେନା ଓ ଥାନାର ମହିଳା କର୍ମଚାରୀ ମାନେ ଉକ୍ତ ମହିଳା ଓ ଶିଶୁକୁ ଉଦ୍ଧାର କରି ଚାଇଲ୍ଡ ଲାଇନ୍କୁ ହସ୍ତାନ୍ତର କରିଛନ୍ତି ।
ମହିଳା ଜଣକୁ କଟକସ୍ଥିତ ମାନସିକ ରୋଗ ବିଭାଗରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଉଦ୍ଧାର ସମୟରେ ଉକ୍ତ ମହିଳାଙ୍କ ଆକ୍ରମଣରେ ଫାଉଣ୍ଡେସନ୍ ସଦସ୍ୟ ଗୋଲାପ ସିଂ ଆହତ ହୋଇଥିବା ସୂଚନା ମିଳିଛି । ମହିଳା ଜଣକର ପରିଚୟ ମିଳି ପାରିନାହିଁ ।
