ଦାରିଙ୍ଗବାଡ଼ି(୨୦/୭) : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ମେଡିକାଲରେ ଗାଜଲବାଡ଼ି ଘାଟି ରାସ୍ତାରେ ମୁମୁର୍ଷ ଅବସ୍ଥାରେ ପଡ଼ିରହିଥିବା ଜଣେ ମହିଳାଙ୍କୁ ଜଣେ ପଥିକ ଉଦ୍ଧାର କରି ଆଣି ଦାରିଙ୍ଗବାଡ଼ି ମେଡିକାଲରେ ଭର୍ତ୍ତି କରି ଥାନାକୁ ସୂଚନା ଦେଇଥିଲେ । ସୂଚନା ମୁତାବକ ବଡ଼ଗଡ଼ ଥାନା ଅଞ୍ଚଳର ଏକ ବୋଲେରୋ ଜିପରେ ବାବୁଲି ନାୟକ ନାମକ ମହିଳା ଓ ତାର ପନ୍ଦର ବର୍ଷର ଝିଅକୁ ଜୋର ଜବରଦସ୍ତ ବସାଇ ଦାରିଙ୍ଗବାଡ଼ି ଅଭିମୁଖେ ଯାତ୍ରା ଆରମ୍ଭ କରିଥିଲେ । ଗାଜଲବାଡ଼ି ଘାଟିରେ ବାବୁଲି ନାୟକଙ୍କୁ ମାରିଦେବା ପାଇଁ ଆକ୍ରମଣ କରି ନିସ୍ତୁକ ମାଡ଼ ମାରିଥିଲେ । ମରିଗଲା ଭାବି ଝିଅଙ୍କୁ ନେଇ ପଳାଇ ଗଲେ । ବାବୁଲି ଅଚେତରୁ ଚେତା ପାଇ ଶରୀରର ବିଭିନ୍ନ ସ୍ଥାନରେ ଆଘାତ ହୋଇ ଗାଜଲବାଡ଼ି ଘାଟି ରାସ୍ତାରେ ପଡ଼ିଥିଲା । କେହି ଜଣେ ରାସ୍ତାରେ ଦେଖି ଉଦ୍ଧାର କରି ଆଣି ଦାରିଙ୍ଗବାଡ଼ି ମେଡିକାଲରେ ଭର୍ତ୍ତି କରି ଥାନାକୁ ସୂଚନା ଦେଇଥିଲେ । ବର୍ତ୍ତମାନ ଦାରିଙ୍ଗବାଡ଼ି ମେଡିକାଲରେ ଚିକିତ୍ସା ହେଉଛନ୍ତି । ଦାରିଙ୍ଗବାଡ଼ି ଥାନା ଅଧିକାରୀ କୌଶିକ ମାଝୀ ଏହାର ତଦନ୍ତ କରୁଥିବା ସୂଚନା ଦେଇଛନ୍ତି ।
