ଦାରିଙ୍ଗବାଡ଼ି,୧୮/୭: ଦାରିଙ୍ଗବାଡ଼ି ହିଲଭିୟୁ ଛକ ନିକଟରେ ସନ୍ଧ୍ୟା ପ୍ରାୟ ସାଡ଼େ ୬ ଘଣ୍ଟା ସମୟରେ ମଟର ସାଇକେଲ ଦୁର୍ଘଟଣାରେ ଦୁଇଜଣ ଗୁରୁତର ହୋଇଥିବା ଜଣାଯାଇଛି । ସେମାନେ ହେଲେ ରାଇକିଆ ବ୍ଳକ ଅନ୍ତର୍ଗତ କାଜୁରୀ ଗ୍ରାମର ଷଣ୍ଢ ପ୍ରଧାନଙ୍କ ପୁଅ ଅଗ୍ନିବେଶ ପ୍ରଧାନ(୨୩) ଓ ଏମିନ ପ୍ରଧାନଙ୍କ ପୁଅ ସ୍ମୃତିରଞ୍ଜନ ପ୍ରଧାନ(୨୪) ବୋଲି ଜଣା ପଡ଼ିଛି। ତିନୋଟି ମଟର ସାଇକେଲରେ ୬ ଜଣ ଦାରିଙ୍ଗବାଡ଼ି ବୁଲିବା ପାଇଁ ଆସି ବୁଲାବୁଲି କରି ରାଇକା ଫେରୁଥିବା ସମୟରେ ଗଅଗ୍ନିବେଶ ପ୍ରଧାନ ଓ ସ୍ମୃତିରଞ୍ଜନ ପ୍ରଧାନଙ୍କ ହିଲଭିୟୁ ଛକରେ ଦୁର୍ଘଟଣା ଘଟିଥିଲା । ରାସ୍ତାରେ ଯାଉଥିବା ଲୋକ ମାନେ ଦୁର୍ଘଟଣା ହୋଇ ରାସ୍ତା ଉପରେ ପଡ଼ିଥିବା ଦେଖି ଦାରିଙ୍ଗବାଡ଼ି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ଜଣାପଡିଛି । ଡାକ୍ତର ପ୍ରାଥମିକ ଚିକିତ୍ସା ପରେ ଗୁରୁତର ଅବସ୍ଥାରେ ରହିଥିବାରୁ ବ୍ରହ୍ମପୁର ରେଫର କରିଥିବା ଜଣାପଡ଼ିଛି ।
