ବାଲେଶ୍ବର: ଜିଲ୍ଲାରେ ହେବ ଟଙ୍କା ତିଆରି ପାଇଁ କାଗଜ କାରଖାନା । ଭାରତୀୟ ଟଙ୍କା ତିଆରି ହେବା ପାଇଁ ଯେଉଁ କାଗଜ ବ୍ୟବହାର ହୁଏ ତାହାର କାରଖାନା ବାଲେଶ୍ଵରରେ ହୋଇପାରେ ବୋଲି ସୂଚନା ରହିଛି । ଏନେଇ ଗତକାଲି(ମଙ୍ଗଳବାର) 3 ଜଣିଆ ଟିମ୍ ଜାଗା ଚିହ୍ନଟ ପାଇଁ ବାଲେଶ୍ଵର ଜିଲ୍ଲାପାଳଙ୍କ ସହ ଆଲୋଚନା କରିଛନ୍ତି ।
ଏହି ଆଲୋଚନାରେ ଇଡକୋର ମଧ୍ୟ ଏକ ଟିମ୍ ସାମିଲ ହୋଇଥିଲା । କାରଖାନା ପାଇଁ RBI ଇଡକୋ ପାଖରୁ ଜମି ନେଇପାରେ ବୋଲି ସୂଚନା ରହିଛି । ଏହି ଆଲୋଚନା ପରେ ଜାଗା ଚିହ୍ନଟ ପାଇଁ ଜିଲ୍ଲାପାଳ ଏବଂ ଆରବିଆଇ ଟିମ୍ ଏବଂ ଇଡକୋର ଟିମ୍ ହଳଦୀପଦା ସ୍ଥିତ ପଦାବଡ଼ଗାଁ ଗ୍ରାମରେ ଥିବା ଜାଗା ଦେଖିଥିଲେ । ଜାଗା ଦେଖିବା ସହ ସେଠାକାର ସରପଞ୍ଚ ଏବଂ ଗ୍ରାମବାସୀଙ୍କ ସହ ମଧ୍ୟ ଆଲୋଚନା କରିଥିଲେ ।
