ଭୁବନେଶ୍ୱର: ଝାରପଡ଼ା ଜେଲରେ ଦିଆଯିବ ବିୟୁଟି ତାଲିମ । ମହିଳା ଅନ୍ତେବାସୀ ନେବେ ବିୟୁଟି ତାଲିମ । ୩୦ ମହିଳା କଏଦୀ ଜେଲରେ ଏହି ପାଠ ପଢ଼ିବେ । ଝାରପଡ଼ା ଜେଲରେ ସମୁଦାୟ ୪୦ ମହିଳା ଅନ୍ତେବାସୀ ଅଛନ୍ତି । ମହିଳାଙ୍କୁ ସ୍ୱାବଲମ୍ବୀ କରିବାର ଏହା ଏକ ପ୍ରୟାସ । ପୂର୍ବରୁ ହସ୍ତଶିଳ୍ପ, ଫୁଡ ପ୍ରୋସେସିଂ ଭଳି ତାଲିମ ଦିଆଯାଇଛି ।
ମାଛ ଚାଷ ପାଇଁ ବାୟୋ ଫ୍ଲକ ୟୁନିଟ କାମ ଚାଲିଛି । ଝାରପଡ଼ା ଜେଲରେ ତିଆରି କମ୍ବଳ ଜିଲ୍ଲା ବାହାରକୁ ଯାଉଛି । 5-T ଅଧୀନରେ ଜେଲ ବିଭାଗ ଆସିବା ପରେ ଅନେକ ଉନ୍ନତି ଆସିଛି । ଏନେଇ ସୂଚନା ଦେଇଛନ୍ତି ଜେଲ ସୁପରିଟେଣ୍ଡେଣ୍ଟ ସତ୍ୟପ୍ରକାଶ ସ୍ୱାଇଁ ।
