ଫୁଲବାଣୀ : ଫୁଲବାଣୀ ସମ୍ବାଦ ସାହିତ୍ୟ ଘର ତରଫରୁ ବ୍ୟାପକ ବୃକ୍ଷରୋପଣ କାର୍ଯ୍ୟକ୍ରମ ହାତକୁ ନିଆଯାଇଛି l ଜିଲ୍ଲା ସଂଯୋଜକ ଡ଼ଃ ରଞ୍ଜନ ପ୍ରଧାନଙ୍କ ସଂଯୋଜନାରେ ଓ ସମ୍ପାଦକ କୈଳାଶ ଚନ୍ଦ୍ର ଧଳ ଓ କୋଷାଧ୍ୟକ ପ୍ରସନ୍ନ କୁମାର ପଣ୍ଡାଙ୍କ ପ୍ରଚେଷ୍ଟାରେ ବୃକ୍ଷ ରୋପଣ କରା ଯାଇଥିଲା l ସ୍ଥାନୀୟ ଫେଜିସାହି ଉଚ୍ଚ ପ୍ରାଥମିକ ବିଦ୍ୟାଳୟର ପରିସରରେ ରାଜ୍ୟପାଳ ପୁରସ୍କାର ପ୍ରାପ୍ତ ଶିକ୍ଷୟିତ୍ରୀ ଶ୍ରୀମତୀ ବିରାଜିନୀ ମହାପାତ୍ରଙ୍କ ପୂର୍ଣ୍ଣ ସହଯୋଗରେ ବୃକ୍ଷରୋପଣ କରାଯାଇ ଥିଲା l ପ୍ରଧାନ ଶିକ୍ଷୟିତ୍ରୀ ସୁଧାଂଶୁବାଳା ପାତ୍ର, ଶିକ୍ଷୟତ୍ରୀ ଗୀତାଞ୍ଜଳି ପଟ୍ଟନାୟକ ଓ ଛାତ୍ର ଛାତ୍ରୀ ମାନେ ଏଥିରେ ସାମିଲ ହୋଇଥିଲେ lପରେ ପରେ ସ୍ଥାନୀୟ ସରସ୍ବତୀ ଶିଶୁ ମନ୍ଦିର ପରିସରରେ ମଧ୍ୟ ବୃକ୍ଷ ରୋପଣ କରାଯାଇଥିଲା l ଶିଶୁ ମାନଙ୍କ ସହ ପ୍ରଧାନ ଆଚାର୍ଯ୍ୟ ଶ୍ରୀ ରାଜେନ୍ଦ୍ର କୁମାର ପାଢ଼ୀ,ଆଚାର୍ଯ୍ୟ ଦୁଃଶାସନ ଦିଗାଲ ସହ ଅନ୍ୟ ଗୁରୁଜୀ ଗୁରୁମା ଓ ସେବକ ସେବିକା ଉପସ୍ଥିତ ଥିଲେ l ସମସ୍ତ କାର୍ଯ୍ୟକ୍ରମରେ ସମ୍ବାଦ ଘର ର ସଭାପତି ଶ୍ରୀ ରବୀନ୍ଦ୍ର ନାଥ ମିଶ୍ର ଶୁଭାରମ୍ଭ କରିଥିଲା ବେଳେ ବରିଷ୍ଠ ସଦସ୍ୟ ବିଷ୍ଣୁ ପ୍ରସାଦ ମିଶ୍ର ଉପସ୍ଥିତ ରହି କାର୍ଯ୍ୟକ୍ରମ ର ସଫଳତାରେ ସହଯୋଗ କରିଥିଲେ l ଆଜିର ଦିନରେ ବୃକ୍ଷରୋପଣ କରିବା ସହ ତାର ଯତ୍ନ ନେବା ଆବଶ୍ୟକ ଅଛି ବୋଲି ଛାତ୍ର ମାନଙ୍କୁ ସଚେତନ କରାଯାଇଥିଲା l
