କୁଚିଣ୍ଡା: କୁଚିଣ୍ଡା ଥାନା ୪୯ ନମ୍ବର ଜାତୀୟ ରାଜପଥର ତବଲାକଟା ନିକଟରେ ଅଟୋ ସହିତ ଟ୍ୟାଙ୍କର ମୁହାଁମୁହିଁ ଧକ୍କା ହେଵା ଫଳରେ ୩ଜଣ ମୃତ ୫ଜଣ ଆହତ ହୋଇଛନ୍ତି l ଘଟଣାସ୍ଥଳରେ ଉତ୍ତେଜନା ଦେଖାଯାଇଛି । ଜାତୀୟ ରାଜପଥ ଅବରୋଧ କରିଛନ୍ତି ଅଂଚଳବାସୀ l ଅନ୍ୟପଟେ ଆହତମାନଙ୍କୁ କୁଚିଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇଛି l
ଆଜି ଅପରାହ୍ନ ୪.୩୦ ବେଳେ କୁଚିଣ୍ଡା ପଟୁ ଏକ ତେଲ ଟ୍ୟାଙ୍କର ଦ୍ରୁତ ଗତିରେ ଆସୁଥିବା ବେଳେ ବିପରୀତ ଦିଗରୁ ଏକ ଯାତ୍ରୀବାହୀ ଟେମ୍ପୁକୁ ଧକ୍କା ଦେଇଥିଲା l ଘଟଣା ସ୍ଥଳରେ ଟେମ୍ପୁ ଚାଳକ ସହ ୩ ଜଣଙ୍କ ମୃତ୍ୟୁ ହୋଇଛି l ମୃତକଙ୍କ ମଧ୍ୟରେ ଜଣେ ଶିକ୍ଷୟତ୍ରୀ ମଧ୍ୟ ଅଛନ୍ତି l ମୃତକମାନେ ଭୋଜପୁର ଗାଁର ଶିକ୍ଷୟତ୍ରୀ ତନୟା ଶର୍ମା, ଟାଇଁସର ଗାଁର ଟେମ୍ପୁ ଚାଳକ ଅତୀଶ ନାଏକ ଓ ତବଲାକଟା ଗାଁର ସରସ୍ବତୀ ସିଂ ବୋଲି ଜଣାପଡିଛି l ଟ୍ୟାଙ୍କର ଚାଳକ ଫେରାର ହୋଇଯାଇଥିବା ବେଳେ ଘଟଣା ସ୍ଥଳରେ କୁଚିଣ୍ଡା ପୋଲିସ ତଥା ଜମନକିରା ତହସିଲଦାର ଉପସ୍ଥିତ ରହି ଆନ୍ଦୋଳନକାରୀଙ୍କୁ ବୁଝାସୁଝା କରୁଛନ୍ତି l
