ହିଞ୍ଜିଳି : ହିଂଜିଳିକାଟୁ ବୃନ୍ଦାବନ ବିଦ୍ୟାପୀଠ ମିନି ଷ୍ଟାଡ଼ିଅମରେ ପ୍ରେସ କ୍ଲବ ହିଂଜିଳିକାଟୁ ସହଯୋଗରେ ଏମସିସି କ୍ରିକେଟ କ୍ଲବ ଦ୍ଵାରା ଆୟୋଜିତ ପ୍ରିୟଦର୍ଶୀ ପଟ୍ଟନାୟକ ମେମୋରିଆଲ ଦିବା ରାତ୍ର ଟେନିସ ବଲ କ୍ରିକେଟ ଟୁର୍ନାମେଟରେ ମଙ୍ଗଳବାର ୨ଟି ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଥମ ମ୍ୟାଚରେ ଏମ ସି ସି ହିଞ୍ଜିଳିକାଟୁ ୯ ୱିକେଟ ହରାଇ ୧୪୭ ରନ କରିଥିଲେ ଜବାବରେ ସିସିସି ଲେଙ୍କାଖାଲି ୩ ୱିକେଟ ହରାଇ ଆବଶ୍ୟକ ରନ ସଂଗ୍ରହ କରି ଵିଜୟ ହାସଲ କରିଛି । ଏଥିରେ ଲେଙ୍କାଖାଲି ସିସିସି ର ହୁକା ପ୍ଲେୟର ମେନ ଅଫ ଦି ମ୍ୟାଚ ହୋଇଥିଲେ । ୨ୟ ମ୍ୟାଚରେ ଆମ୍ଵପୁଆ ୧୦,୪ ଓଭରରେ ସମସ୍ତ ୱିକେଟ ହରାଇ ୮୦ ରନ ସଂଗ୍ରହ କରିଥିଲେ ଜବାବରେ ଡ୍ରାଗନ ଏକାଦଶ ୮,୨ ଓଭରରେ ୧ ୱିକେଟ ହରାଇ ୮୫ ରନ ସଂଗ୍ରହ କରି ଆମ୍ଵପୁଆ କୁ ୫ରନରେ ହରାଇ ଡ୍ରାଗନ ଏକାଦଶ ବିଜୟୀ ହୋଇଛି । ଏଥିରେ ଲୁସାନ ମ୍ୟାନ ଅଫ ଦି ମ୍ୟାଚ ହୋଇଥିଲେ । ଅଧ୍ୟାପକ ଗୋପାଳ କୃଷ୍ଣ ସାବତ ଓ ବ୍ୟବସାୟି କିଶୋର ଚନ୍ଦ୍ର ଚୌଧୁରୀ ଅତିଥି ଭାବେ ଯୋଗ ଦେଇ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ । ଆଲୋକ ପାତ୍ର, ସତ୍ୟ ପାଣିଗ୍ରାହି, ସୁଜିତ ସାଇଁ ଓ ଚିନ୍ମୟ ପଣ୍ଡା ମ୍ୟାଚ ପରିଚାଳନା କରିଥିଲେ । ମଣ୍ଡିଂ କ୍ରିକେଟ କ୍ଳବର ସଦସ୍ୟ ପରିଚାଳନାରେ ସହଯୋଗ କରିଥିଲେ ।
