ମାଲକାନଗିରି : ମାଥିଲି ବନାଞ୍ଚଳ ଅନ୍ତର୍ଗତ କୁଟଣିପାଲି ଗ୍ରାମ ଠାରେ ବନ ବିଭାଗ ମାଥିଲି ତରଫରୁ ଆଞ୍ଚଳିକ ଭାଷାରେ ଏକ ପଥପ୍ରାନ୍ତ ନାଟକ ଓ ଲୋକ ନୃତ୍ୟ ଆୟୋଜନ କରାଯାଇଥିଲା।ଏହାର ମୁଖ୍ୟ ଉଦ୍ଦେଶ୍ୟ ଥିଲା ଜଙ୍ଗଲର ବୃକ୍ଷରାଜି, ପଶୁ ପକ୍ଷୀ ଜୀବ ଜନ୍ତୁ ର ସୁରକ୍ଷା କରିବା ବେଣ୍ଟ ଶିକାର ନ କରିବା ଜଙ୍ଗଲ ରେ ନିଆଁ ଲଗାଇ ପରିବେଶ ସୁରକ୍ଷା କରିବା ଏଥି ନିମନ୍ତେ ଏକ ସ୍କ୍ରିପ୍ଟ ଶ୍ରୀ ତପନ କୁମାର ସାହା ରଚନା କରିଥିଲେ । ଏହି କାର୍ଯ୍ୟକ୍ରମରେ ବନପାଳ ଫକିର ଚରଣ ମାହାଲି ବନରକ୍ଷୀ ତପନ ସାହା ସୃଷ୍ଟି ଅନୁଷ୍ଠାନର କିଶୋର ପାଟିକା ଆମ ଜଙ୍ଗଲ ଯୋଜନା ପ୍ରକଳ୍ପ କର୍ମଚାରୀ ମାନେ ଉପସ୍ଥିତ ଥିଲେ।ଏହି କାର୍ଯ୍ୟକ୍ରମ ବନାଞ୍ଚକ ଅଧିକାରୀ ବାସୁଦେବ ନାୟକ ଙ୍କ ତତ୍ୱାବଧାନରେ ହୋଇ ଥିଲା । ଗ୍ରାମବାସୀ ଜଙ୍ଗଲର ଉପକାରିତା ସଂପର୍କରେ ଅବଗତ ହୋଇପାରିଥିଲେ। ଆଗାମୀ ଦିନରେ ଏହି ପରି ସଚେତନତା କାର୍ଯ୍ୟକ୍ରମ ଅନେକ ବନାଞ୍ଚଲ ଅନ୍ତର୍ଗତ ଦୁର୍ଗମ ଗ୍ରାମ ଗୁଡିକରେ କରାଯିବ ବୋଲି ଶ୍ରୀ ବାସୁଦେବ ନାୟକ ସୂଚନା ଦେଇଛନ୍ତି।
