ବାଲିମେଳା: ଆଦିବାସୀ ଅଧ୍ୟୁଷିତ ଜିଲ୍ଲା ତଥା ବିକାଶ କ୍ଷେତ୍ରରେ ପଛୁଆ ଜିଲ୍ଲା ଭାବେ ପରିଚିତ ମାଲକାଗିରି ଅନ୍ତର୍ଗତ ବିଜ୍ଞାପିତ ଅଞ୍ଚଳ ପରିଷଦ ବାଲିମେଳା ନଗରର ବିବେକାନନ୍ଦ ସ୍ମାର୍ଟ ସ୍କୁଲ୍ ଆନୁକୁଲ୍ୟରେ ଆଜି ସନ୍ଧ୍ୟା ସମୟରେ ବାର୍ଷିକ ମହୋତ୍ସବ ଆୟୋଜିତ ହୋଇଯାଇଛି । ତେବେ ଏହା ହେଉଛି ବିବେକାନନ୍ଦ ସ୍ମାର୍ଟ ସ୍କୁଲ୍ ର ୪ର୍ଥ ବାର୍ଷିକ ଉତ୍ସବ। ଉତ୍ସବରେ କୋରୁକୋଣ୍ଡା ବ୍ଲକ୍ ର ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ପତିତପାବନ ଦାସ ସଭାପତିତ୍ବ କରିଥିବା ବେଳେ ନଗର ସଭାପତି ଶ୍ରୀଯୁକ୍ତ ପ୍ରଦୀପ ନାୟକ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏତଦ୍ ବ୍ୟତୀତ ସମ୍ମାନୀତ ଅତିଥି ଭାବେ କୁଡୁମୁଲୁଗୁମ୍ମା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତି ଗାୟତ୍ରୀ ଦେବୀ ଏବଂ ମୁଖ୍ୟ ବକ୍ତା ଭାବେ ଚିତ୍ରକୋଣ୍ଡା ଉପଖଣ୍ଡ ଆରକ୍ଷୀ ଅଧିକାରୀ ଶ୍ରୀଯୁକ୍ତ ଅଂଶୁମାନ ଦ୍ବିବେଦୀ ଯୋଗଦେଇ ଛାତ୍ର ଛାତ୍ରୀ ମାନଙ୍କ ଉଜ୍ଜ୍ୱଳ ଭବିଷ୍ୟ କାମନା କରିଛନ୍ତି। ଶିକ୍ଷାର୍ଥୀ ମାନଙ୍କର ଭବିଷ୍ୟତ କିଭଳି ମହାମାନବ ମହାପୁରୁଷ ମାନଙ୍କ ଜୀବନୀ ଦ୍ଵାରା ଅନୁପ୍ରାଣୀତ ହେବ ସେ ସମ୍ପର୍କରେ ମୁଖ୍ୟ ବକ୍ତା ଶ୍ରୀଯୁକ୍ତ ଅଂଶୁମାନ ଦ୍ବିବେଦୀ ପ୍ରେରଣା ପ୍ରଦାନ କରିଛନ୍ତି।
