ଆନନ୍ଦପୁର: ଆନନ୍ଦପୁର ଉପଖଣ୍ଡ ନନ୍ଦିପଦା ଥାନା ଶାସଙ୍ଗ ଛକ ନିକଟରେ ଘଟିଛି ଅଘଟଣ । ଛକଠାରେ ଥିବା ଏକ ଟାୟାର ମରାମତି ଦୋକାନକୁ ଆସିଥିବା ଟ୍ରାକ୍ଟରର ଚକଫାଟି ଯିବାରୁ ଘଟଣା ସ୍ଥଳରେ ଡ୍ରାଇଭରର ମୃତ୍ୟୁ ଘଟିଥିବାବେଳେ ଟ୍ରାକ୍ଟର ମାଲିକ ଗୁରୁତର ହୋଇଛନ୍ତି । ଉଭୟ ଡ୍ରାଇଭର ମାଧବ ଜେନା ଓ ମାଲିକ ସଞ୍ଜିବ୍ ସେଠୀ ଙ୍କ ଘର ଆନନ୍ଦପୁର ଥାନା ତରଭା ଗାଁରେ ହୋଇଥିବା ଜଣା ପଡିଛି ।
ଆନନ୍ଦପୁର ଥାନା ତରଭା ଗାଁର ସଞ୍ଜିବ ଓ ଡ୍ରାଇଭର ମାଧବ ଟ୍ରାକ୍ଟର ଟାୟାର ମରାମତି ପାଇଁ ଶାସଙ୍ଗ ଛକ ନିକଟକୁ ଆସିଥିଲେ। ଦୋକାନରେ ଟ୍ରାକ୍ଟର ଚକ ବଦଳାଉଥିବା ସମୟରେ ହଠାତ୍ ଚକ ଫାଟି ଯାଇଥିଲା। ଏଥିରେ ଉଭୟ ଗୁରୁତର ହୋଇଥିଲେ। ସ୍ଥାନୀୟ ଲୋକେ ଉଭୟଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ମାଧବଙ୍କୁ ଡାକ୍ତର ମୃତ ଘୋଷଣା କରିଥିଲେ। ସଞ୍ଜିବ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି।
