ସଂଙ୍କେତ ଫଳକ ନଥିବାରୁ ଦୁର୍ଘଟଣା ଘଟୁଛି
ଦାରିଙ୍ଗବାଡ଼ି ୧୩/୦୨ : ଦାରିଙ୍ଗବାଡ଼ି ଡୁଲୁରୀ ପାଇନ୍ ଜଙ୍ଗଲ ବ୍ରିଜ୍ ନିକଟରେ ଦୁର୍ଘଟଣା । ପାଣି ପମ୍ପ ହାଉସର ପାଚେରୀ ରେ ବାଡେଇ ହୋଇ ଓଲଟି ପଡ଼ିଲା କାର, ଫଳରେ କାର୍ ରେ ବସିଥିବା ଦୁଇ ଜଣ ଗୁରୁତର ତିନି ଆହତ ହୋଇଛନ୍ତି। ଖବର ଅନୁଯାୟୀ, ପର୍ଯ୍ୟଟକ ମାନେ ଦାରିଙ୍ଗବାଡ଼ିର ମିଡିୟୁବାନ୍ଦା ଜଳପ୍ରପାତ ଓ ଅନ୍ୟ ପର୍ଯ୍ୟଟନସ୍ଥଳ ଗୁଡ଼ିକ ବୁଲି ଯିବା ବେଳେ କୌଣସି କାରଣରୁ କାରଟି ଭାରସାମ୍ୟ ହରାଇ ଦୁର୍ଘଟଣା ଘଟିଥିଲା। ଜଣେ ମହିଳା ଏବଂ ଜଣେ ପୁରୁଷ ଗୁରୁତର ହୋଇଥିବା ବେଳେ ଡ୍ରାଇଭର ସମେତ ତିନି ଜଣ ସାମାନ୍ୟ ଆହତ ହୋଇଥିବା ଜଣାପଡିଛି।
ସମସ୍ତ ଆହତଙ୍କୁ ପ୍ରଥମେ ଦାରିଙ୍ଗବାଡ଼ି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ପ୍ରାଥମିକ ଚିକିତ୍ସା ପରେ କିଛି ସ୍ଥାନୀୟ ବାସିନ୍ଦାଙ୍କ ସହଯୋଗରେ ତାଙ୍କୁ ବ୍ରହ୍ମପୁର ମେଡ଼ିକାଲ କୁ ସ୍ଥାନାନ୍ତର କରାଯାଇଛି । ଖବର ପାଇଁ ଦାରିଙ୍ଗବାଡ଼ି ପୋଲିସ ଘଟଣାସ୍ଥଳରେ ପହଞ୍ଚି କାରଟିକୁ ଜବତ କରିବା ସହ ଘଟଣାର ତଦନ୍ତ କରୁଥିବା ଥାନା ଅଧିକାରୀ କୌଶିକ ମାଝୀ ସୂଚନା ଦେଇଛନ୍ତି | ପ୍ରକାଶ ଥାଉକି ସଂକେତ ଫଳକ ନଥିବାରୁ ବହୁବାର ସେହି ଜାଗାରେ ଦୁର୍ଘଟଣା ଘଟୁଥିବା ସାଧାରଣରେ ଚର୍ଚ୍ଚା ହେଉଛି।
