ହିଞ୍ଜିଳିକାଟୁ : ଶୁକ୍ରବାର ରାତ୍ର ପ୍ରାୟ ୯ ଘଣ୍ଟା ସମୟରେ ୫୯ ନମ୍ବର ଜାତୀୟ ରାଜପଥ ତଥା ହିଞ୍ଜିଳିକାଟୁ ପୈାରାଞ୍ଚଳ ଆରଏମସି ଛକ ନିକଟରେ ମୋଟର ସାଇକେଲ ଦୂର୍ଘଟଣା ଘଟି ଚାଳକ ଗୁରୁତର ଆହତ ହୋଇଛନ୍ତି। ଆହତ ଜଣଙ୍କ ହେଲେ ବ୍ରହ୍ମପୁର ସଦରଥାନା ଗୁଣ୍ଠବନ୍ଧ ଗ୍ରାମର ଆକାଶ ବେହେରା (୨୪) ବୋଲି ଜଣାପଡିଛି। ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ତାଙ୍କୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଖବର ପାଇ ହିଞ୍ଜିଳି ପୁଲିସ ଘଟଣା ସ୍ଥଳରେ ପହଞ୍ଚି ଦୂର୍ଘଟଣାଗ୍ରସ୍ତ ବାଇକକୁ ଜବତ କରି ଘଟଣାର ତଦନ୍ତ ଚଳାଇଛି। ପ୍ରକାଶ ଯେ, ଗୁରୁବାର ରାତିରେ ଯୁବକ ଜଣଙ୍କ ମୋଟର ସାଇକେଲ (ଓଡି୦୭ ଏଏମ୍ ୩୪୫୪) ଯୋଗେ ହିଞ୍ଜିଳିକାଟୁ ଠାରୁ ବ୍ରହ୍ମପୁର ଅଭିମୁଖେ ଯାଉଥିବା ବେଳେ ସ୍ଥାନୀୟ ସହର ଆରଏମସି ଛକ ନିକଟରେ ରାସ୍ତା ମଧ୍ୟସ୍ଥ ମେଡିୟାନକୁ ଧକ୍କା ଦେଇ ରାସ୍ତା ପାର୍ଶ୍ବରେ ପୈାର ପରିଷଦ ପକ୍ଷରୁ ସ୍ଥାପନ କରାଯାଇଥିବା ଗୋଳାବାରୁଦ ଟ୍ୟାଙ୍କ ପାଚେରୀକୁ ଭିତରକୁ ଘୋଷାରି ହୋଇ ପଶି ଯାଇ ଗୁରୁତର ଆହତ ହୋଇଥିଲେ। ପ୍ରକାଶ ଥାଉକି, ଯୁବକ ଜଣଙ୍କ ସହର ମଧ୍ୟରେ ମୋଟର ସାଇକେଲ କୁ କ୍ଷିପ୍ର ଗତିରେ ଚଳାଉଥିବା ବେଳେ କିଛି ସମୟ ପୂର୍ବରୁ ଏକ କାର୍ ଓ ଏକ ମୋଟର ସାଇକେଲ ସହ ଧକ୍କା ଦେଇଥିଲେ ।
