ଭୁବନେଶ୍ୱର : କାଲିଠୁ ୫ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ୩ରୁ ୬ ତାରିଖ ପର୍ଯ୍ୟନ୍ତ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ । କମିଶନରେଟ ପୋଲିସ ପକ୍ଷରୁ ଟ୍ରାଫିକ ନିର୍ଦ୍ଦେଶନାମା ଜାରି କରାଯାଇଛି । ୩ ତାରିଖରେ ଅପରାହ୍ଣ ୪ଟା ୫୦ରୁ ସନ୍ଧ୍ୟା ୫ଟା ୫୦ ପର୍ଯ୍ୟନ୍ତ କଟକଣା ଜାରି କରାଯାଇଛି ।
୪ ତାରିଖରେ ସକାଳ ୮ଟା ୫୦ରୁ ୯ଟା ୩୦ ପର୍ଯ୍ୟନ୍ତ କଟକଣା । ୫ ଓ ୬ ତାରିଖ ପର୍ଯ୍ୟନ୍ତ ଜାରି ରହିବ ଟ୍ରାଫିକ କଟକଣା । ୫ରେ ସନ୍ଧ୍ୟା ୫ରୁ୭ଟା କଳ୍ପନା ଛକ-ଲିଙ୍ଗିପୁର ଭାରୀଯାନ, ବସ୍ ମନା କରାଯାଇଛି । ରାଷ୍ଟ୍ରପତିଙ୍କ ଗସ୍ତ ପାଇଁ ଆଜି ହୋଇଛି କାରକେଡ ରିହର୍ସଲ । ବ୍ଲୁ ବୁକ୍ ଅନୁଯାୟୀ ହେବ ସୁରକ୍ଷା ବ୍ୟବସ୍ଥା ।
ବିମାନବନ୍ଦରରେ ପହଞ୍ଚିବା ପରେ ରାଷ୍ଟ୍ରପତି ପଣ୍ଡିତ ରଘୁନାଥ ମୁର୍ମୁଙ୍କ ପ୍ରତିମୂର୍ତ୍ତି ଉନ୍ମୋଚନ କରିବା ପାଇଁ ନୀଳାଦ୍ରି ବିହାର ଯିବେ । ସେଠାରୁ ରାତ୍ରୀଯାପନ ପାଇଁ ରାଜଭବନ ଯିବେ। ରାଷ୍ଟ୍ରପତି ଯାଉଥିବା ରାସ୍ତାରେ ନୋ ଫ୍ଲାଇଙ୍ଗ୍ ଜୋନ ରହିବ। ରାଷ୍ଟ୍ରପତିଙ୍କ ଗସ୍ତକୁ ନେଇ ବ୍ଲୁ ବୁକ୍ ଅନୁସାରେ ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥା କରାଯାଇଛି ।
ତ୍ରିସ୍ତରୀୟ ସୁରକ୍ଷା ବ୍ୟବସ୍ଥାରେ ୩ ଜଣ ଡିସିପି ରାଙ୍କର ଅଫିସର , ୧୫ ଜଣ ଆଡିସନାଲ DCP ରାଙ୍କର ଅଫିସର ୪୫ ଏସିପି ରାଙ୍କର ଅଫିସର ୨୦୦ ଜଣ ଇନ୍ସପେକ୍ଟର ଓ ସବ୍ ଇନ୍ସପେକ୍ଟର ରାଙ୍କର ଅଫିସର ଦାୟିତ୍ୱରେ ରହିବେ । ଟ୍ରାଫିକ ବ୍ୟବସ୍ଥା ମିଶି ୪୦ ପ୍ଲାଟୁନରୁ ଉର୍ଦ୍ଧ୍ବ ଫୋର୍ସ ମୁତୟନ ହେବ ।
