ବରଗଡ଼ : ସରିଲା କଂସ ଚୟନ ପାଇଁ ଅଡିସନ । ମହାରାଜ କଂସ ଭୂମିକାରେ ଚୟନ ହେଲେ ଭୁବନେଶ୍ବର ପ୍ରଧାନ । ଭୁବନେଶ୍ବର ପ୍ରଧାନ , ଆତ୍ରର୍ତ୍ତାଣ ସୁନାନୀ , ସୁଶିଲ ମେହେର ଏବଂ ଜଗଦାନନ୍ଦ ମିଶ୍ରଙ୍କ ମଧ୍ୟରେ ହୋଇଥିଲା ପ୍ରତିଦ୍ବନ୍ଦିତା । ବିଚାରକ ଭାବେ ଝାରସୁଗୁଡ଼ା ଜିଲ୍ଲାର ସନ୍ଦିପ ଆଚାର୍ଯ୍ୟ , ଭବାନୀପାଟଣା ଜିଲ୍ଲାର ଡକ୍ଟର ଉମେଶ ଶତପଥୀ ଏବଂ ବରଗଡ ଜିଲ୍ଲାର ଚୂଡାମଣି ରଥ ଉପସ୍ଥିତ ଥିଲେ । ୪ ଜଣ କଳାକାରମାନଙ୍କ ମଧ୍ୟରେ କିଏ ହେବ ବିଶ୍ବ ପ୍ରସିଦ୍ଧ ବରଗଡ଼ ଧନୁଯାତ୍ରା ମହୋତ୍ସବର କଂସ ତା ଉପରେ ସମସ୍ତ ନଜର ରହିଥିଲା । ଶେଷରେ ମହାରାଜ କଂସ ଭୂମିକାରେ ଚୟନ ହେଲେ ଭୁବନେଶ୍ବର ପ୍ରଧାନ ।
