ନବରଙ୍ଗପୁର : ସାଧାରଣ ଜୀବନ ଚର୍ଯ୍ୟା ଆଉ ଶାନ୍ତ ସରଳ ଵ୍ୟବହାର ପାଇଁ ସବୁବେଳେ ସମସ୍ତଙ୍କର ପ୍ରିୟପାତ୍ର ହେଇପାରିଥିବା ନବରଙ୍ଗପୁର ବିଧାୟକ ଶ୍ରୀ ଗୌରୀଶଙ୍କର ମାଝୀ ଆଜି ନିଜ ମଣିଷପଣିଆ ପାଇଁ ପ୍ରଶଂସିତ ହେଉଛନ୍ତି | ସଡ଼କ ଦୁର୍ଘଟଣାରେ ଆହତ ମାନଙ୍କୁ ନିଜ ଗାଡିରେ ବସେଇ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟ କୁ ନେଇଗଲେ ବିଧାୟକ। ନବରଙ୍ଗପୁର ଥାନା ଅଧିନ ବିଜ୍ରାଗୁଡା ଛକ ରେ ବାଇକ୍ ଓ ୪୦୭ ଭ୍ୟାନ ମୁହା ମୁହିଁ ଧକ୍କା ହେବା ଫଳରେ ବାଇକ୍ ରେ ଥିବା ବିଜ୍ରାଗୁଡା ଗ୍ରାମ ର ସୁବର୍ଣ୍ଣ ହରିଜନ (୪୫), ନାତି ରାଜା ହରିଜନ ( ୧୮) ଓ ନାତୁଣୀ ଦେବି ହରିଜନ(୧୩) ଆହତ ହୋଇଥିଲେ। ସେମାନେ ବିଜ୍ରାଗୁଡା ଠାରୁ ନବରଙ୍ଗପୁର କୁ ଆଧାର କାର୍ଡ ସଂଶୋଧନ ପାଇଁ ଯାଉଥିଲେ । ନବରଙ୍ଗପୁର ଠାରୁ ଅଞ୍ଚଳଗୁମ୍ମା ଯାଉଥିବା ଏକ ୪୦୭ ଭେନ ସହ ମୁହାଁମୁହିଁ ଧକ୍କା ହୋଇଥିଲା । କୌଣସି କାମରେ ଏହି ରାସ୍ତା ଦେଇ ନବରଙ୍ଗପୁର ବିଧାୟକ ଗୈାରୀ ଶଙ୍କର ମାଝୀ ଯାଉଥିବା ବେଳେ ଘଟଣା ସ୍ଥଳରେ ପହଞ୍ଚି ଥିଲେ ଓ ସମସ୍ତ ଆହତ ମାନଙ୍କୁ ନିଜ ଗାଡିରେ ଉଦ୍ଧାର କରି ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟ କୁ ନେବା ସହ ଚିକିତ୍ସା କରାଇଥିଲେ । ବିଧାୟକ ଙ୍କ ଏଇ ମାନବିକତା ପୂର୍ଣ୍ଣ କାର୍ଯ୍ୟକୁ ନେଇ ସ୍ଥାନୀୟ ଅଞ୍ଚଳରେ ବିଧାୟକଙ୍କ ର ବେଶ ପ୍ରଶଂସା କରାଯାଉଛି ।
