ମାଲକାନଗିରି : କେନ୍ଦ୍ରୀୟ ବିଦ୍ୟାଳୟ ର ଅଧ୍ୟକ୍ଷ ଡ଼ କୈଳାଶ ମୀନାଙ୍କ ତତ୍ୱାବଧାନ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଭାରତ ର ପ୍ରଥମ ପ୍ରଧାନମନ୍ତ୍ରୀ ଶ୍ରୀ ଜବାହରଲାଲ ନେହେରୁ ଙ୍କ ପ୍ରତିଛବି କୁ ପୁଷ୍ପ ଗୁଚ୍ଛ ଅର୍ପଣ କରି ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା l ବିଦ୍ୟାଳୟ ପରିଚାଳନା କମିଟି ର ସଦସ୍ୟ ତଥା ମାଲକାନଗିରି ମହାବିଦ୍ୟାଳୟ ର ବାଣିଜ୍ୟ ବିଜ୍ଞାନ ମୁଖ୍ୟ ଡ଼ ରଞ୍ଜନ କୁମାର ସ୍ୱାଇଁ ମୁଖ୍ୟ ଅତିଥି ରୁପେ ଯୋଗ ଦେଇଥିଲେ, ସ୍ଥାନୀୟ ଏସବିଆଇ ବ୍ୟାଙ୍କ ର ମୁଖ୍ୟ ପ୍ରବନ୍ଧକ ଶ୍ରୀ ହରିଶଙ୍କର ହିଆଲ ମୁଖ୍ୟବକ୍ତା ରୁପେ ଏବଂ ଡେପୁଟି ବ୍ରାଞ୍ଚ ମ୍ୟାନେଜର ଶ୍ରୀ ଅଜିତ କୁମାର ଆଚାର୍ଯ୍ୟ, ବିଶିଷ୍ଟ ବ୍ୟବସାୟୀ ଶ୍ରୀ ଦିଲୀପ ସୋମlନି ସମ୍ମାନନୀୟ ଅତିଥି ରୁପେ ଯୋଗ ଦେଇଥିଲେ l ଆମନ୍ତ୍ରିତ ଅତିଥି ମାନଙ୍କ ଦ୍ୱାରା ଛାତ୍ରଛାତ୍ରୀ ଙ୍କୁ ମିଷ୍ଟାନ ବଣ୍ଟନ କରାଯାଇଥିଲା l ଶିଶୁ ଦିବସ ଉପଲକ୍ଷେ ବିଦ୍ୟାଳୟ ରେ ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ ଯଥା ନୃତ୍ୟ ପ୍ରତିଯୋଗିତା, ବତ୍କୃତl ପ୍ରତିଯୋଗିତା, ଗାୟନ ପ୍ରତିଯୋଗିତା, ଶିକ୍ଷା ପାଇଁ ବ୍ୟବହୃତ ସାମଗ୍ରୀ ପ୍ରତିଯୋଗିତା ଆଦି ଅନୁଷ୍ଠିତ ହୋଇଥିଲା l ପିଲାମାନଙ୍କ ଦ୍ୱାରା ଆୟୋଜିତ “ଫୂଡ଼ କୋର୍ଟ” ସମସ୍ତଙ୍କୁ ବିଶେଷ ଆକର୍ଷଣ କରିଥିଲା l ଛାତ୍ରଛାତ୍ରୀ ମାନେ ନିଜେ ହାତ ତିଆରି ବ୍ୟଞ୍ଜନ ସାମଗ୍ରୀର ପସରା ଏହି ଫୂଡ଼ କୋର୍ଟ ରେ ପ୍ରଦର୍ଶନ କରିଥିଲେ l ବିଦ୍ୟାଳୟ ର ଛାତ୍ରଛାତ୍ରୀ, ଅଭିଭାବକ, ଶିକ୍ଷକ ମାନେ ଏହି ସୁସ୍ୱାଦୁ ବ୍ୟଞ୍ଜନ ର ଆନନ୍ଦ ନେଇଥିଲେ l ବିଦ୍ୟାଳୟ ର ସମସ୍ତ ଶିକ୍ଷକ ଏବଂ ଅନ୍ୟ କର୍ମଚାରୀ ମାନେ ଏହି କାର୍ଯ୍ୟକ୍ରମ କୁ ସଫଳ କରିବାରେ ସହଯୋଗ କରିଥିଲେ l ଅଧ୍ୟାପକ ଶ୍ରୀ ଅମିତ ଦାସ କାର୍ଯ୍ୟକ୍ରମ ଶେଷ ରେ ସମସ୍ତଙ୍କ ଧନ୍ୟବାଦ ଜଣାଇଥିଲେ l
