ଫୁଲବାଣୀ : କନ୍ଧମାଳ ଜିଲ୍ଲା ରାଇକିଆ ଅଞ୍ଚଳରୁ ରାମଦୂତ ନାମକ ବସ ଓଡି ୦୨ ୮୧୯୯ ଆଜି ପୂର୍ବାହ୍ନରେ ଖଜୁରୀପଡା ଅତିକ୍ରମ କରି ନୟାଗଡ ରାସ୍ତାରେ ଦଶପଲ୍ଲା ଅତିକ୍ରମ କରି ଯାଉଥିବା ବେଳେ କୌଣସି କାରଣରୁ ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା l ଫଳରେ ଗାଡି ଚାଳକ କନ୍ଧମାଳ ଜିଲ୍ଲା ଖଜୁରୀପଡା ସୁରାଦେଇ ଗ୍ରାମର ବିରେନ ଦିଗାଲ ବସତଳେ ଚାପି ହୋଇ ଘଟଣା ସ୍ଥଳରେ ହିଁ ମୃତ୍ୟୁ ହୋଇଛି l ସୂଚନା ପାଇ ସ୍ଥାନୀୟ ଅଗ୍ନିଶମ ବାହିନୀ କଟର ସାହାଯ୍ୟରେ କାଟି ମୃତ ଚାଳକଙ୍କୁ ଉଦ୍ଧାର କରିଥିଲେ l ହେଲପର ମଧ୍ୟ ସୁରlଦେଇ ଗ୍ରାମର ସିଲୁ ଆହତ ହୋଇ ଚିକିତ୍ସା ହେଉଥିବା ଜଣାପଡିଛି l ଘଟଣା ସ୍ଥଳରେ ନୁଆଁ ଗାଁ ପୋଲିସ ପହଁଞ୍ଚି ଶବ ଜବତ ସହ ବ୍ୟବଛେଦ ପାଇଁ ପଠାଇ ତଦନ୍ତ କରୁଛନ୍ତି l ତୁରନ୍ତ ଏହି ଘଟଣା ପ୍ରଚାର ପରେ ଖଜୁରୀପଡା ଏବଂ ସୁରାଦେଇ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ବେଳେ ସାଂସଦ ସୁକାନ୍ତ କୁମାର ପାଣିଗ୍ରାହୀ ତାଙ୍କର ସହଯୋଗୀ ମାନଙ୍କୁ ଦଶପଲ୍ଲା ମେଡିକାଲ ପଠାଇ ଆହତ ଏବଂ ମୁତ ଚାଳକଙ୍କ ପରିବାର ପରିଜନଙ୍କୁ ସହାୟତା କରିଛନ୍ତି l ସେହିଭଳି ଫୁଲବାଣୀ ବିଧାୟକ ଉମାଚରଣ ମଲିକ ମଧ୍ୟ ଏଭଳି ମର୍ମନ୍ତୁଦ ଘଟଣା ପାଇଁ ଦୁଃଖ ପ୍ରକାଶ କରିଥିବା ବେଳେ ବିରେନଙ୍କ ଭାଇ ଜିତେନ୍ଦ୍ର ସାହାଣୀ ବିଭୁତି ମହାନ୍ତି, ସତ୍ୟପ୍ରିୟ ମହାପାତ୍ର ରଞ୍ଜନ ବେହେରା, ଅଭିମନ୍ୟୁ ସାହାଣୀ ପ୍ରମୁଖ ଖଜୁରୀପଡାରୁ ଯାଇ ସମସ୍ତ ସାହାଯ୍ୟ କରିଛନ୍ତି l
