ଛତ୍ରପୁର : ଛତ୍ରପୁର ଷ୍ଟେଟ ବ୍ୟାଙ୍କ ମୁଖ୍ୟ ଶାଖାରେ ଶନିବାର ଅଗ୍ନିକାଣ୍ଡ ଘଟିଛି । ବ୍ୟାଙ୍କର ତୃତୀୟ ମହଲାରେ ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ସୂଚନା ମିଳିଛି । ଘଟଣାର ଖବର ପାଇ ଛତ୍ରପୁର ଅଗ୍ନିଶ୍ରମ ବାହିନୀ ର କର୍ମଚାରୀ ମାନେ ପହଂଚି ନିଆଁକୁ ଆୟତ୍ତ କରିଥିଲେ । ସୂଚନା ପ୍ରକାରେ, ଶନିବାର ପୁର୍ବାହ୍ନ ସମୟରେ ବ୍ୟାଙ୍କର ତୃତୀୟ ମହଲାରୁ ଧୁଆଁ ବାହାରୁଥିବା ଖବର ପାଇ ଗ୍ରାହକ କର୍ମଚାରୀ ମାନେ ଭୟଭୀତ ହୋଇ ଦୌଡି ବାହାରକୁ ଆସିଯାଇଥିଲେ । ପରେ ତୃତୀୟ ମହଲାରେ ନିଆଁ ଲାଗିଯାଇଥିବ।। ଖବର ପାଇ ଅଗ୍ନିଶ୍ରମ ବାହିନୀକୁ ଖବର ଦେଇଥିଲେ । ଅଗ୍ନିଶ୍ରମ ବାହିନୀକର୍ମଚାରୀ ମାନେ ସଦଳବଳେ ପହଂଚି ନିଆଁକୁ ଆୟତ୍ତ କରିଥିଲେ । ଉପର ମହଲାରେ ସୋଲାର ପାନେଲ ଟି ନଷ୍ଟ ହୋଇଯାଇଥିବା ବେଳେ ବିଦ୍ୟୁତ ବିଭାଗର କର୍ମଚାରୀ ମାନେ ପହଂଚି ବିଦ୍ୟୁତ ସରବରାହ ବିଛିନ୍ନ ହୋଇଥିଲା । କିଛି ସମୟ ପର୍ଯ୍ୟନ୍ତ ବ୍ୟାଙ୍କ ସେବା ବନ୍ଦ ରହିଥିବା ବେଳେ ଗ୍ରାହକ ମାନେ ଭୟଭୀତ ଅବସ୍ଥାରେ ରହିଥିବା ଦେଖିବାକୁ ମିଳିଥିଲା ।
