ରାଉରକେଲା : ଦୁର୍ଗାପୂଜା, କାଳୀପୂଜା ଓ ଲକ୍ଷ୍ମୀ ପୂଜା ର ସୁପରିଚାଳନା ନିମନ୍ତେ ଗଠିତ କେନ୍ଦ୍ରୀୟ ପୂଜା କମିଟି,(ସିପିସି) ରାଉରକେଲା ର ବର୍ଷ ୨୦୨୪-୨୫ ର ନିର୍ବାଚନ ଆଜି ପିଏଆଇଟିଡିଏ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି l ୨୦୨୪ -୨୫ ବର୍ଷ ପାଇଁ ମୁକ୍ତିକାନ୍ତ ବେହେରା ସାଧାରଣ ସଚିବ ଭାବରେ ନିର୍ବାଚିତ ହୋଇଛନ୍ତି l ସେ ୮୪ ଭୋଟ ପାଇ ବିଜୟ ହୋଇଛନ୍ତି l ତାଙ୍କର ପ୍ରତିଦ୍ବନ୍ଦୀ ଘନଶ୍ୟାମ ପ୍ରଧାନ ୪୫, ବିରାଜ ମୋହନ ବିଶ୍ବାଳ ୩୪, ଏବଂ କମଳା କାନ୍ତ ବାରିକ ୨୨ ଭୋଟ ପାଇଥିବା ବେଳେ ୨ଟି ଭୋଟ ନାକଚ ହୋଇଛି l
ଏହିପରି ପ୍ରଣୟ କୁମାର ନାୟକ କୋଷାଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି ଲ ଆଜି ସକାଳ ୯ ଘଟିକାରୁ ୩ ଘଟିକା ପର୍ଯ୍ୟନ୍ତ ଆଇଟିଡିଏ ସମ୍ମିଳନୀ କକ୍ଷରେ ମତଦାନ ହୋଇଥିଲା l ସେଥିରେ ବିଭିନ୍ନ ପୂଜା କମିଟିର ମୋଟ ୧୮୭ ଜଣ ସଦସ୍ୟ ଭୋଟ ଦେଇଥିଲେ ଲ ଏହାପରେ ଉପଜିଲ୍ଳାପାଳ ପାନପୋଷ ବିଜୟ କୁମାର ନାୟକ, ରାଉରକେଲା ତହସିଲଦାର ନିବେଦିତା ପ୍ରଧାନ ଓ ଲାଠିକଟା ତହସିଲଦାର ତଥା( ସିପିସି)ରିଟର୍ଣିଂ ଅଧିକାରୀ ଆର୍ତ୍ତତ୍ରାଣ ଥାଟିଙ୍କ ଉପସ୍ଥିତିରେ ଅପରାହ୍ନ ୪ ଘଟିକାରୁ ଭୋଟ ଗଣତି କରା ଯାଇଥିଲା l କେନ୍ଦ୍ରୀୟ ପୂଜା କମିଟି ରାଉରକେଲାକୁ ୩ଟି ଜୋନ ରେ ଯଥା ସିଭିଲ ଟାଉନଶିପ ଜୋନ , ଷ୍ଟିଲ ଟାଉନଶିପ ଜୋନ ଓ ଫର୍ଟିଲାଇଜର ଟାଉନଶିପ ଜୋନ ରେ ଭାଗ କରା ଯାଇଛି l ଏହି ତିନିଟି ଜୋନ ପାଇଁ ମଧ୍ୟ ଉପ ସଭାପତି, ଯୁଗ୍ମ ସଚିବ ଓ ୨ ଜଣ କାର୍ଯ୍ୟକାରୀ ସଦସ୍ୟ ଆଜି ନିର୍ବାଚତ ହୋଇଛନ୍ତି l ଷ୍ଟିଲ ଟାଉନଶିପ ଜୋନ ପାଇଁ ନାରାୟଣ ମହାନ୍ତି ଉପ ସଭାପତି, ଅରୁଣ କୁମାର ମହାପାତ୍ର ଯୁଗ୍ମ ସଚିବ ସହିତ କମ୍ୟୁନିଷ୍ଟ ଗୌଡ ଓ ରାହୁଲ ରାୟ ଦ୍ବୟ କାର୍ଯ୍ୟକାରୀ ସଦସ୍ୟ ନିର୍ବାଚିତ ହୋଇଛନ୍ତି l ସେହିପରି ସିଭିଲ ଟାଉନଶିପ ଜୋନ ପାଇଁ ବିଶ୍ବନାଥ ଦେ ଉପ ସଭାପତି, ରାକେଶ ଶର୍ମା ଯୁଗ୍ମ ସଚିବ , ଅମିତ କୁମାର ନାୟକ ଓ ମାନସୀ ସରକାର କାର୍ଯ୍ୟକାରୀ ସଦସ୍ୟ ନିର୍ବାଚିତ ହୋଇଛନ୍ତି l ଏହା ବ୍ୟତୀତ ଅନିଲ କୁମାର ମଲ୍ଳିକ ଫର୍ଟିଲାଇଜର ଟାଉନଶିପ ଜୋନର ଉପ ସଭାପତି ହୋଇଛନ୍ତି l ଫର୍ଟିଲାଇଜର ଟାଉନଶିପ ଜୋନର ପ୍ରଦୀପ ଦାଶ ଯୁଗ୍ମ ସଚିବ, ସୁରେନ୍ଦ୍ର ନାଥ ରଣା ଓ ପ୍ରସାଦ କୁମାର ମଲ୍ଳିକ ଅପ୍ରତିଦ୍ବଦୀ ଭାବରେ କାର୍ଯ୍ୟକାରୀ ସଦସ୍ୟ ନିର୍ବାଚିତ ହୋଇଛନ୍ତି l
