ନବରଙ୍ଗପୁର : ନବରଙ୍ଗପୁର ଠାରେ ଅବସ୍ଥାପିତ ୧୨ ବାଟାଲିୟନ ସି.ଆର.ପି.ଏଫ ପକ୍ଷରୁ ସ୍ୱଚ୍ଛତା ହିଁ ସେବା ଅଭିଯାନର ଶୁଭାରମ୍ଭ ହୋଇଛି। ଏହି ଅବସରରେ ସି.ଆର.ପି.ଏଫ ର କମାଣ୍ଡାଣ୍ଟ ଶ୍ରୀ ଏନ.କେ.କେ ପ୍ରସାଦ ସମସ୍ତଙ୍କୁ ସ୍ୱଚ୍ଛତା ହିଁ ସେବା ଅଭିଯାନ କୁ ସଫଳ କରି ଅଧିକ ବ୍ୟାପକ କରିବା ପାଇଁ ଶପଥ ପାଠ କରାଇଥିଲେ । ସ୍ୱଚ୍ଛତା ଅଭିଯାନ ସମ୍ପର୍କିତ ଏକ ସଚେତନତା ଶୋଭାଯାତ୍ରା କୁ ବିଧାୟକ,ଡାବୁଗାଁ ଶ୍ରୀ ମନୋହର ରନ୍ଧାରୀ ମୁଖ୍ୟ ଅତିଥି ରୂପେ ଯୋଗ ଦେଇ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ସ୍ୱଚ୍ଛ ନବରଙ୍ଗପୁର, ସ୍ଵଛ ଓଡିଶା ଓ ସ୍ଵଚ୍ଚ ଭାରତ ଗଠନ କରିବା ପାଇଁ ଅନୁଷ୍ଠିତ ଏହି ସଚେତନତା ଶୋଭାଯାତ୍ରା ନଗର ପରିକ୍ରମା କରିଥିଲା। ଏହି କାର୍ଯ୍ୟକ୍ରମ ରେ ୧୨ ବାଟାଲିୟନ ସିଆରପିଏଫ ର ସେକଣ୍ଡ ଇନ କମାଣ୍ଡ କେ.କେ ସିଂ, ଡେପୁଟି କମାଣ୍ଡାଣ୍ଟ ଶ୍ରୀ ରାଜୀବ କୁମାର, ଇନ୍ସପେକ୍ଟର ଜୟ ସିଂ ନାୟକ ଙ୍କ ସମେତ ବାଟାଲିୟନ ର ସମସ୍ତ ଯବାନ ଓ ପୌର ପାଳିକା ସ୍ଵଛ ସାଥି ମାନେ ଅଂଶ ଗ୍ରହଣ କରିଥିଲେ।
