ହିଞ୍ଜିଳିକାଟୁ : ଶୁକ୍ରବାର ସନ୍ଧ୍ୟାରେ ୫୯ ନଂ ଜାତୀୟ ରାଜପଥ ହିଞ୍ଜିଳି ଥାନା ତଥା ହିଞ୍ଜିଳିକାଟୁ ପୈାରାଞ୍ଚଳ ମାଣିକନଗର ଛକରେ ସାଇକେଲ ସହ ଏକ ବାଇକ୍ ଧକ୍କା ଘଟିଛି। ଦୂର୍ଘଟଣାରେ ଉଭୟ ସାଇକେଲ ଓ ବାଇକ୍ ଆରୋହୀ ଗୁରୁତର ଆହତ ହୋଇଛନ୍ତି। ଆହତମାନେ ହେଲେ ସାଇକେଲ ଆରୋହୀ କବିସୂର୍ଯ୍ୟନଗର ଥାନା କନିଆରୀ ଗ୍ରାମର ଶୁଭ୍ରାଂଶୁ କୁମାର ପ୍ରଧାନ (୧୮) ଓ ବାଇକ୍ ଆରୋହୀ ଜଣଙ୍କ ହେଲେ ହିଞ୍ଜିଳି ଥାନା ଗିରିଆ ଗ୍ରାମର ରଘୁ ସେଠି (୧୯) ।
ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ଉଭୟଙ୍କୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ପ୍ରକାଶ ଯେ, ମାଣିକନଗର ସାହି ମଧ୍ୟରୁ ଶୁଭ୍ରାଂଶୁ ସାଇକେଲ ଯୋଗେ ବଜାରକୁ ଆସୁଥିବ ବେଳେ ଗିରିଆ ଠାରୁ ଶ୍ୟାମଳାଇ ଅଭିମୁଖେ ରଘୁ ବାଇକ୍ (ଓଡି୦୭ ସି ୬୦୮୭) ଯାଉଥିବା ବେଳ ମାଣିକ ନଗର ଛକ ଠାରେ ସାଇକେଲ ସହ ଧକ୍କା ଘଟିଥିଲା। ଖବର ପାଇ ହିଞ୍ଜିଳି ପୁଲିସ ଦୂର୍ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଉଭୟ ସାଇକେଲ ଓ ବାଇକ୍ ଜବତ କରି ଘଟଣାର ତଦନ୍ତ ଚଳାଇଛି।
