ବୀରମିତ୍ରପୁର : ସୁନ୍ଦରଗଡ଼ ଜିଲ୍ଲାର ରାଏବଗା ଥାନା ଅଧୀନରେ ଥିବା ଦଲକି ଶଙ୍ଖ ନଦୀର ପୋଲ ଉପରେ ଗୋଟିଏ ଯାତ୍ରୀବାହୀ ଅଟୋକୁ ପଛୋପଟୁ ଧକ୍କା ଦେଇଥିଲା ଟେଲର | ଯାତ୍ରୀ ବାହି ଅଟୋରେ ରାଏବଗା ରୁ ଲକ୍ଷ୍ମିପୋଷ ଶିବ ମନ୍ଦିରକୁ ପୂଜା ଅର୍ଚ୍ଚନା କରି ନିଜ ଘର ପୋଗ୍ରାପୋଶକୁ ଫେରୁଥିବା ବେଳେ ଗୋଟିଏ ଟେଲର ଯାହାର ନମ୍ବର JH 05 DE6391 ନାକପୁର ରୁ କୋଡାର୍ମା ଝୁମ୍ରୀ ତଲୟା କୁ ଯାଉଥିବା ବେଳେ ଡ୍ରାଇଭର ନିଜର ଭାରସାମ୍ୟ ହରାଇ ଥିବାରୁ ଦୁର୍ଘଟଣା ଘଟିଥିଲା | ଯାହା ଫଳରେ ପୋଗ୍ରାପୋଷ ଅଞ୍ଚଳର ସଂତୋଷ ସାହୁଙ୍କ ସ୍ତ୍ରୀ ନିରାଶା କନ୍ସି ୨୬ ବର୍ଷ ଗୁରୁତର ଆହତ ହୋଇଥିଲେ | ସ୍ବାମୀ ସଂତୋଷ ସାହୁ ଏହା ଦେଖି ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସ କୁ ଡକାଇ ବୀରମିତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ | ସେଠାରେ ପ୍ରାଥମିକ ଚିକିତ୍ସା କରିବା ପରେ ଡାକ୍ତର ଅଧିକ ଚିକିତ୍ସା ପାଇଁ ରାଉଲକେଲା ସରକାରୀ ଡାକ୍ତରଖାନାକୁ ଆମ୍ବୁଲାନ୍ସ ଯୋଗେ ପଠାଇଥିଲେ | ରାଏବଗା ପୋଲିସ କୌଣସି ସୂତ୍ରରୁ ଖବର ପାଇ ଘଟଣା ସ୍ଥଳରେ ପହଞ୍ଚି ଟେଲର ଓ ଚାଳକକୁ ରାଏବଗା ଥାନାରେ ଅଟକ ରଖି ତଦନ୍ତ ଆରମ୍ଭ କରିଛି |
