ଚିକିଟୀ : ଗଞ୍ଜାମ ଜିଲ୍ଲା ଚିକିଟୀ ବ୍ଲକରେ ମାଟ୍ରିକ ପରୀକ୍ଷା ପ୍ରକାଶିତ ଫଳାଫଳ ରେ ଚିକିଟୀ ବ୍ଲକର ବିଦ୍ୟାର୍ଥୀ ମାନେ ୯୯ ପ୍ରତିଶତ ସଫଳତା ପାଇଛନ୍ତି । ବ୍ଲକର ସମସ୍ତ ବିଦ୍ୟାର୍ଥୀ ମାନଙ୍କୁ ପଛରେ ପକାଇ ସୁନାପୁର ଶ୍ରୀ କାଶୀ ବିଶ୍ୱନାଥ ଉଚ୍ଚ ବିଦ୍ୟାପୀଠ ର ଛାତ୍ରୀ କେ. ଆଦାଶ୍ୟା ପାତ୍ର ୫୪୦ ମାର୍କ ରଖି ଏ୧ ଗ୍ରେଡ ସହ ଟପ୍ପର ହୋଇଛନ୍ତି।
ମିଳିଥିବା ସୂଚନା ପ୍ରକାରେ ବ୍ଲକର ସମୁଦାୟ ୧୫୦୧ ଜଣ ବିଦ୍ୟାର୍ଥୀଙ୍କ ମଧ୍ୟରୁ ୧୪୮୬ ଜଣ ପାସ କରିଛନ୍ତି। ଏ୧ ରେ ଜଣେ,ଏ୨ ରେ ୧୮ ଜଣ,ବି୧ ୫୧ ଜଣ, ବି୨ ରେ ୧୮୨ ଜଣ, ସି ରେ ୩୬୭ ଜଣ, ଡି ଗ୍ରେଡରେ ୫୨୨ ଜଣ ପାଇଥିବା ବେଳେ ଇ ଗ୍ରେଡରେ ମୋଟ ୩୪୫ ଜଣ ବିଦ୍ୟାର୍ଥୀ ପାସ କରିଛନ୍ତି।ସେହିପରି ଚିକିଟୀ ପେଣ୍ଠ ସରସ୍ୱତୀ ଶିଶୁ ବିଦ୍ୟା ମନ୍ଦିରର ଦଶମ ଶ୍ରେଣୀ ଛାତ୍ରୀ ଶୁଭଶ୍ରୀ ନାୟକ ୫୪୦ ମାର୍କ ରଖି ଏ୧ ଗ୍ରେଡ ସହ ଟପ୍ପର ହୋଇଛନ୍ତି।କ୍ରମାଗତ ୧୦୦ ପ୍ରତିଶତ ସଫଳତା ରହୁଥିବାରୁ ସମସ୍ତ ଶିଶୁମାନଙ୍କୁ ପରିଚାଳନା ସମିତି ଓ ଗୁରୁଜୀ ଗୁରୁମା ଏବଂ ପ୍ରଧାନାଚାର୍ଯ୍ୟଙ୍କ ତରଫରୁ ଅଭିନନ୍ଦନ।
