ଫୁଲବାଣୀ : କନ୍ଧମାଳ ଜିଲ୍ଲା ସଦର ଅବକାରୀ ଏବଂ ଏସ ଏସ ଟି କନ୍ଧମାଳ ବିଭାଗର ମିଳିତ ସହଯୋଗରେ ୨୩ କେଜି ଗଞ୍ଜେଇ ସହ ଜଣଙ୍କୁ ଗିରଫ କରାଯାଇଛି । କନ୍ଧମାଳ ଅବକାରୀ ସୁପରିଟେଣ୍ଡେଣ୍ଟ ଝାସକେତନ ବରିହାଙ୍କ ନିର୍ଦ୍ଦେଶ କ୍ରମେ କୌଣସି ସୂତ୍ରରୁ ଖବର ପାଇ ଏସ ଆଇ ସାଗର ଭୋଇ, ଏ ଏସ ଆଇ ସୁକାନ୍ତ କୁମାର କହଁର, ଷ୍ଟାଫ ଅନିଲ କୁମାର ବେହେରା, ସଞ୍ଜୀବ ପ୍ରଧାନ ଓ ମିଲନ କୁମାର ସାହୁ ସୁଡୁରୁକୁମ୍ପା ନୂଆ ସାହି ମୁଖ୍ୟ ରାସ୍ତାରେ ଜଗିଥିଲେ I ଏହି ସମୟରେ ଏକ ଅଟୋ କ୍ଷିପ୍ର ବେଗରେ ଯାଉଥିବା ରୁ ଅଟକାଇ ତନଖ୍ କରିଥିଲେ । ତନଖ୍ ସମୟରେ ଏକ ପ୍ଲାଷ୍ଟିକ ଜରି ବସ୍ତା ଗଞ୍ଜେଇ ଯାହାର ଓଜନ ୨୩ କିଗ୍ରା ହେବ ଜବତ କରିଥିଲେ I ଏଥ୍ ସହ ଜଣେ ବ୍ୟକ୍ତିଙ୍କୁ ମଧ୍ୟ ଗିରଫ କରି ଆଣି ପଚରା ଉଚରା କରିଥିଲେ । ଉକ୍ତ ଗଞ୍ଜେଇ ଫୁଲବାଣୀ ରୁ ଚାରିଛକ ଯାଉଥିଲା । ଅଭିଯୁକ୍ତ ଜଣଙ୍କ ହେଲେ ଗୋପାଳ ଦିଗାଲ (୫୪) , କୁ ଗିରଫ କରି ଏକ ମାମଲା ଥାନା କେଶ ନମ୍ବର ୧୮/୨୦୨୪ ରୁଜୁ କରିବା ସହ କୋର୍ଟ ଚାଲାଣ କରିଥିବା ସଦର ଅବକାରୀ ଥାନା ଅଧିକାରୀ ସାଗର ଭୋଇ ସୂଚନା ଦେଇଛନ୍ତି l
