ହିଞ୍ଜିଳିକାଟୁ ୩୦/୪ : ହିଞ୍ଜିଳି ନିର୍ବାଚନ ମଣ୍ଡଳୀ ଅନ୍ତର୍ଗତ ହିଞ୍ଜିଳିକାଟୁ ବ୍ଲକ୍ ଦୁରୁପଡା ପଞ୍ଚାୟତ ପୋଡଙ୍ଗି ଗ୍ରାମର ବହୁ ବିଜେଡି କର୍ମୀ ଭାରତୀୟ ଜନତା ପାର୍ଟି ରେ ସାମିଲ ହୋଇଛନ୍ତି । ହିଞ୍ଜିଳି ବିଧାନ ସଭା ବିଜେପି ପ୍ରାର୍ଥୀ ଶିଶିର ମିଶ୍ର ଙ୍କ ଉପସ୍ଥିତିରେ ଗ୍ରାମର ବିଜେଡି କର୍ମୀ ବିଜେପିରେ ସାମିଲ ହୋଇଥିବା ସୂଚନା ମିଳିଛି । ବିଧାୟକ ପ୍ରାର୍ଥୀ ଆଗାମୀ ନିର୍ବାଚନ ରେ ବିଜେପି ଯେପରି ଭଲ ପ୍ରଦର୍ଶନ କରିବ ସେଥିପାଇଁ ସମସ୍ତେ ଏକ ମନ,ଏକ ପ୍ରାଣ ହୋଈ ନିଷ୍ଠା ଓ ଆନ୍ତରିକତାର ସହ ତୃଣମୂଳ ସ୍ତରରୁ ଭୋଟର୍ ଓ ବିଜେପି ର ସଂଗଠନ କୁ ସୂଦୃଢ କରିବାକୁ ପରାମର୍ଶ ଦେଉଛନ୍ତି।
ଏହି ମିଶ୍ରଣ ପର୍ବରେ ବିଜେଡି ନେତା ଙ୍କ ଓ ସରକାରୀ କଳର ଦୁର୍ନୀତି କୁ ବିରୋଧ କରି ଓଡ଼ିଶା ର ଅଶ୍ମିତା, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ନେତୃତ୍ବ ଓ ବିଜେପି ର ନିତୀ ଆଦର୍ଶ ରେ ଅନୁପ୍ରାଣିତ ହୋଇ ଲୋକନାଥ ବେହେରା, ପ୍ରଶାନ୍ତ ସାହୁ,ସଦା ବେହେରା,ଗତ ପଞ୍ଚାୟତ ନିର୍ବାଚନ ରେ ବୁରୁପତା ପଞ୍ଚାୟତ ର ସମିତି ସଭ୍ୟ ଭାବେ ପ୍ରାର୍ଥୀ ହୋଈ ପ୍ରତିଦ୍ବନ୍ଦ୍ବିତା କରିଥିବା ଜୋଗିନ୍ଦ୍ର ବେହେରାଙ୍କ ସହ ବହୁ ବିଜେଡି ନେତା ବିଜେପି ରେ ଯୋଗ ଦେଇଛନ୍ତି। ଆଗାମୀ ଦିନରେ ବୁରୁପଡା ପଞ୍ଚାୟତ ର ଶତାଧିକ ଗ୍ରାମବାସୀ ବିଜେପି ରେ ସାମିଲ ହେବେ ବୋଲି ଗ୍ରାମବାସୀମାନେ କହିଛନ୍ତି।
