ଫୁଲବାଣୀ: ଆସନ୍ତା ୨୦୨୪ ନିର୍ବାଚନ ପାଇଁ କଂଗ୍ରେସର ପ୍ରଚାର ଜୋର ସୋରରେ ଆରମ୍ଭ କରିଛି। ଫୁଲବାଣୀରେ କଂଗ୍ରେସ ଦଳର କନ୍ଧମାଳ ଲୋକସଭା ପ୍ରାର୍ଥୀ ଅମୀରଚାନ୍ଦ ନାୟକ ଓ ଫୁଲବାଣୀ ବିଧାନସଭା ପ୍ରାର୍ଥୀ ପ୍ରତିଭା କହଁର ମିଳିତ ଭାବେ ରୋଡ ସୋ ଆରମ୍ଭ କରିଛନ୍ତି। ସ୍ଥାନୀୟ ରୁଜାଙ୍ଗି ଠାରୁ ବାଇକ ରାଲି ବାହାରି ସମଗ୍ର ଫୁଲବାଣୀ ସହର ପରିକ୍ରମା କରିଥିଲା । ଶତାଧିକ କର୍ମୀଙ୍କ ସହିତ ଉଭୟ ପ୍ରାର୍ଥୀ ରୋଡ ସୋ କରିବା ପରେ କୋର୍ଟ ଛକ ନିକଟସ୍ଥ ଜିଲ୍ଲା କଂଗ୍ରେସ କାର୍ଯ୍ୟାଳୟରେ ପହଞ୍ଚି ଥିଲା। ସେଠାରେ ପ୍ରାର୍ଥୀଙ୍କୁ ସମ୍ବର୍ଦ୍ଧନା ଦିଆଯାଇଥିଲା। ଚଳିତ ନିର୍ବାଚନରେ ବିଭିନ୍ନ ଦଳ ମଧ୍ୟରୁ କଂଗ୍ରେସ ଦଳର ଫୁଲବାଣୀ ସହରରେ ଏହା ପ୍ରଥମ ବାଇକ ରୋଡ ସୋ ଥିଲା।
କଂଗ୍ରେସ କାର୍ଯ୍ୟାଳୟ ଠାରେ ୧୦ ସର୍ତ୍ତ ମୁଳକ ଯୋଜନା ଆଧାରରେ ଚଳିତ ନିର୍ବାଚନରେ କଂଗ୍ରେସ ଲୋକସଭା ସହିତ ସମସ୍ତ ବିଧାନସଭା ଆସନରେ ବିଜୟ ଲାଭ କରିବ ବୋଲି ଗଣ ମାଧ୍ୟମ ଆଗରେ ଲୋକସଭା ପ୍ରାର୍ଥୀ ଅମୀରଚାନ୍ଦ ନାୟକ ପ୍ରକାଶ କରିଛନ୍ତି। ଏହି ରୋଡ଼ ସୋରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା କଂଗ୍ରେସ ସଭାପତି ଚନ୍ଦ୍ର ଶେଖର ପରିଡା, ପୂର୍ବତନ ବିଧାୟକ ଅଭିମନ୍ୟୁ ବେହେରା, ବରିଷ୍ଠ ନେତା ଘନ ଶବର, ବସନ୍ତ ପାଢ଼ୀ, ନଗର ସଭାପତି ଶିବ ଶଙ୍କର ବେହେରା, ବଳଦେବ ବେହେରା, ଗୌର ବେହେରା ପ୍ରମୁଖ ଉପସ୍ଥିତ ଥିଲେ।
