ହିଞ୍ଜିଳିକାଟୁ (୨୩/୦୪) : ଆସନ୍ତା କାଲି ହିଞ୍ଜିଳି ଆସୁଛନ୍ତି ଓଡ଼ିଶାର ଷ୍ଟାର ପ୍ରଚାରକ ଵିଜେଡି ସୁପ୍ରିମୋ ନବୀନ ପଟ୍ଟନାୟକ।ହିଞ୍ଜିଳିକାଟୁ ବ୍ଲକ୍ ଅନ୍ତର୍ଗତ ସାରୁ ଓ ସମରଝୋଳ ଛକ ମଧ୍ୟରେ ଥିବା ମେଘମାଳ ତୋଟା ରେ ଏକ ସାଧାରଣ ସଭା ରେ ଯୋଗ ଦେଇ ଜନତାଙ୍କୁ ଉଦବୋଧନ ଦେବେ ।ହିଞ୍ଜିଳିରୁ ଆରମ୍ଭ ହେବ ଶଙ୍ଖନାଦ । ଏଇଠୁ ପ୍ରଚାର ଶୁଭ ପଡ଼ିବ । ଏହାକୁ ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନିଜ ନିର୍ବାଚନମଣ୍ଡଳୀରୁ ସେ ପ୍ରଚାର ଶଙ୍ଖ ଫୁଙ୍କିବେ । ଏଥିଲାଗି ସମସ୍ତ କାର୍ଯ୍ୟସୂଚୀ ଚୂଡ଼ାନ୍ତ ସରିଛି ।
ହିଞ୍ଜିଳିକାଟୁ ଓ ଶେରଗଡ଼ଠାରେ ସେ ୨ଟି ସମାବେଶରେ ଯୋଗଦେବେ । ଦଳୀୟ ସୂତ୍ରରୁ ଏହି ସୂଚନା ମିଳିଛି । ରାଜ୍ୟରେ ବିଜେଡିର ଏକ ନମ୍ବର ଷ୍ଟାର୍ କ୍ୟାମ୍ପେନର୍ଙ୍କ ଦ୍ୱାରା ପ୍ରଚାରର ଏହା ବିଧିବଦ୍ଧ ଆରମ୍ଭ ବୋଲି କୁହାଯାଉଛି । ପ୍ରିୟ ମୁଖ୍ୟମନ୍ତ୍ରୀଙ୍କ ଗସ୍ତ କାର୍ଯ୍ୟକ୍ରମ ସଫଳ କରିବାକୁ ନିର୍ବାଚନମଣ୍ଡଳୀର ନେତା ଓ କର୍ମୀ ଅଣ୍ଟା ଭିଡ଼ିଛନ୍ତି । ସବୁ କାର୍ଯ୍ୟ ସୁରୁଖୁରୁରେ ସାରିବାକୁ ଜୋରସୋରରେ ଲାଗିଛନ୍ତି ।
ବୁଧବାର ମୁଖ୍ୟମନ୍ତ୍ରୀ ହିଞ୍ଜିଳି ଗସ୍ତ କରି ଦଳୀୟ ନେତା ଓ କର୍ମୀଙ୍କୁ ଉତ୍ସାହିତ କରିବା ସହ ନିର୍ବାଚନମଣ୍ଡଳୀର ଭୋଟର୍ଙ୍କ ଆଶୀର୍ବାଦ କାମନା କରିବେ । ୨୦୦୦ ମସିହାରୁ ହିଞ୍ଜିଳି ବିଧାନସଭା ଆସନରୁ ପ୍ରତିନିଧିତ୍ୱ କରି ଆସୁଛନ୍ତି ମୁଖ୍ୟମନ୍ତ୍ରୀ । ହିଞ୍ଜିଳିରୁ ଲଢ଼ିବା ସହ କଣ୍ଟାବାଞ୍ଜିରେ ମଧ୍ୟ ଲଢ଼ିବାକୁ ଯାଉଛନ୍ତି । ପୂର୍ବଥର ହିଞ୍ଜିଳି ସହ ସେ ବିଜେପୁର ଆସନରୁ ପ୍ରାର୍ଥୀ ହୋଇଥିଲେ । ହିଞ୍ଜିଳିରେ ମେ’ ୨୦ରେ ଭୋଟ୍ ହେବ । ମୁଖ୍ୟମନ୍ତ୍ରୀ ସମ୍ଭବତଃ ୩୦ ତାରିଖରେ ନାମାଙ୍କନ କରିପାରନ୍ତି ।
