ଫୁଲବାଣୀ : ଫୁଲବାଣୀ ସ୍ଥିତ କୋରୋନେସନ ପଡିଆରେ ଥିବା ଏଥେଲେଟିକ ଇଣ୍ଡୋର ହଲ ଠାରେ କନ୍ଧମାଳ ଜିଲ୍ଲା ଟାଏକୋଣ୍ଡୋ ସଙ୍ଘ ଓ ଫୁଲବାଣୀ ମାର୍ଟିଆଲ ଆର୍ଟ୍ସ ଏକାଡେମୀ ମିଳିତ ସହଯୋଗରେ ପଞ୍ଚମ କନ୍ଧମାଳ ଜିଲ୍ଲା ସ୍ତରୀୟ ଟାଏକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ଏହି ପ୍ରତିଯୋଗିତାରେ କନ୍ଧମାଳ ଜିଲ୍ଲାର ବିଭିନ୍ନ ପ୍ରାନ୍ତରୁ ପଚାଶରୁ ଉର୍ଦ୍ଧ ବାଳକ ଓ ବାଳିକା ଅଂଶଗ୍ରହଣ କରିଥିଲେ l ଏହି ପ୍ରତିଯୋଗିତା ସୁପର ସବ ଜୁନିଅର, ସବ ଜୁନିଅର, କ୍ୟାଡେଟ, ଜୁନିଅର ଓ ସିନିଅର କ୍ୟାଟେଗୋରି ରେ ପ୍ରତିଯୋଗିତା ହୋଇଥିଲା lଏହି ପ୍ରତିଯୋଗିତାରେ ମୋଟ ୨୯ ଟି ସ୍ଵର୍ଣ୍ଣ ,୬ଟି ରୌପ୍ୟ ଓ ୨ଟି କାଂସ୍ୟ ପଦକ ପାଇଁ ପ୍ରତିଯୋଗୀଟା ହୋଇଥିଲା। ଜାତୀୟ ରେଫରୀ ପ୍ରିତମ ଚନ୍ଦ୍ର ପ୍ରଧାନ, ରମାକାନ୍ତ ବେହେରା, କେ. କମଲେଶ, ସୁଜ୍ଞାନୀଜିତ ପଟ୍ଟନାୟକ ପ୍ରତିଯୋଗିତା କୁ ବୈଷୟିକ ଅଫିସିଆଲ ଭାବେ ଦାୟିତ୍ୱ ତୁଲାଇଥିଲେ। ଓଡିଶା ଟାଏକୋଣ୍ଡୋ ସଙ୍ଘର ସାଧାରଣ ସମ୍ପାଦକ ତଥା ଅନ୍ତର୍ଜାତୀୟ ମାଷ୍ଟର ମନମୋହନ ଭଞ୍ଜ ପ୍ରତିଯୋଗିତାକୁ ପରିଚାଳନା କରିଥିଲେ।
ଜିଲ୍ଲା ସଙ୍ଘର ସମ୍ପାଦକ ପ୍ରଭାତ କୁମାର ସାହୁ, ସିନିଅର ବ୍ଲାକ ବେଲ୍ଟ ଅଂଜନୈୟ ମହାନ୍ତି ସହଯୋଗରେ ପ୍ରତିଯୋଗିତା ସଫଳତା ସହ ସମ୍ପର୍ଣ୍ଣ ହୋଇଥିଲା l
