ଫୁଲବାଣୀ : କନ୍ଧମାଳ ଜିଲ୍ଲା ସ୍ଥାନୀୟ ଜଗନ୍ନାଥ ମନ୍ଦିର ପରିସରରୁ ପ୍ରଭୁ ଶ୍ରୀରାମଙ୍କ ଫୋଟ ପ୍ରତିକୃତିକୁ ରଥ ଉପରେ ଅବସ୍ଥାପିତ କରାଇ ବିରାଟ ଶୋଭାଯାତ୍ରାରେ ଶତାଧିକ ଲୋକ ରାମ ଧ୍ୱନି ଦେଇ ହାତରେ ହନୁମାନ ଓ ରାମଙ୍କ ଚିହ୍ନ ପତାକା ଧରି ବାଜା ବଜାଇ ବାଣ ଫୁଟାଇ ମେଡିକାଲ ଛକ,କୋର୍ଟ ଛକ, ବଜାର ଛକ ଦେଇ ମାଦିକୁନ୍ଦା ଠାରେ ପହଞ୍ଚି ଥିଲା l ସେଠାରେ ସ୍ଵାଗତ ସମ୍ବର୍ଦ୍ଧନା ସହ ବନ୍ଦାପନା କରାଯାଇଥିଲା l ଏଥି ସହିତ ରାସ୍ତାରେ ବିଭିନ୍ନ ସଂଘ ଯଥା କଳିଙ୍ଗ ବୈଶ୍ୟ ଯୁବକ ସଂଘ, ବରିଷ୍ଠ ନାଗରିକ ସଙ୍ଘ,ପକ୍ଷରୁ ପଣା ପାଣିର ବ୍ୟବସ୍ଥା କରାଯାଇଥିଲା l ଶେଷରେ ନାରାୟଣୀ ରାସ୍ତା ଦେଇ ରାମ ମନ୍ଦିର ପରିସରରେ ପହଞ୍ଚିଥିଲା l ଏହି କାର୍ଯ୍ୟକ୍ରମକୁ ଟି ଶିବ ଶଙ୍କର ପାତ୍ର, ଶିବାଶିଷ ପଣ୍ଡା, ସ୍ଵରୂପା ପଟ୍ଟନାୟକ, ମୁକ୍ତି କାନ୍ତ ପ୍ରମୁଖ ସହଯୋଗ କରିଥିଲେ l
