ଦେବଗଡ଼,୨୩ା୩:ଓଡିଶା ପାଇଁ ଖୁବଶୀଘ୍ର ପ୍ରକାଶ ପାଇବ କଂଗ୍ରେସର ପ୍ରାର୍ଥୀ ତାଲିକା । ଆଜି ଦେବଗଡ ଗସ୍ତ ଅବସରରେ ପ୍ରଦେଶ କଂଗ୍ରେସ ମୁଖପାତ୍ର ତଥା କଂଗ୍ରେସ ଗଣମାଧ୍ୟମ ଓ ଯୋଗାଯେଗ ବିଭାଗ ଅଧ୍ୟକ୍ଷ ଡକ୍ଟର ବିଶ୍ୱରଞ୍ଜନ ମହାନ୍ତି ପ୍ରକାଶ କରିଛନ୍ତି । ଶ୍ରୀ ମହାନ୍ତି ଗଣମାଧ୍ୟମର ପ୍ରତିନିଧି ମାନଙ୍କ ପ୍ରଶ୍ନର ଉତର ଦେଇ କହିଛନ୍ତି ଯେ,ବର୍ତମାନ କଂଗ୍ରେସର ପ୍ରାର୍ଥୀ ଚୟନ ପ୍ରକ୍ରୀୟା ଜାରୀ ରହିଛି । ଇତିମଧ୍ୟରେ ୫୦ ପ୍ରତିଶତ ଆସନ ପାଇଁ ପ୍ରାର୍ଥୀ ଚୟନ ପ୍ରକ୍ରୀୟା ଶେଷ ହୋଇଶ ହୋଇଛି ଓ ସେଂଟ୍ରାଲ କଂଗ୍ରେସ କମିଟୀର ବୈଠକ ପରେ ଖୁବ ଶୀଘ୍ର ପ୍ରାର୍ଥୀ ତାଲିକା ପ୍ରକାଶ ପାଇବ । ବର୍ତମାନ ଭାଜପା ଓ ବିଜେଡି ଦଳର ବହୁ ନେତା ଅସନ୍ତୁଷ୍ଟ ଅଛନ୍ତି ଓ ଅନେକ ନେତା କଂଗ୍ରେସରେ ସାମିଲ ହେବା ପାଇଁ ସମ୍ପର୍କରେ ଅଛନ୍ତି । ବିଜେଡି ଓ ଭାଜପା ପ୍ରାର୍ଥୀ ତାଲିକା ସହିତ ଆମର କୌଣସି ସମ୍ପର୍କ ନାହିଁ । ରାଜ୍ୟରେ ବିଳମ୍ବରେ ନିର୍ବାଚନ ଥିବାରୁ ସଠିକ ସମୟରେ କଂଗ୍ରେସର ପ୍ରାର୍ଥୀ ତାଲିକା ପ୍ରକାଶ ପାଇବ । ବିଜେଡି ଓ ଭାଜପା ମଧ୍ୟରେ ଭିତିରିଆ ଗଠବନ୍ଧନ ରହିଥିବା ସାଧାରଣ ଲୋକେ ଜାଣି ସାରିଲେଣି । ଅନ୍ୟପକ୍ଷରେ କଂଗ୍ରେସ ରାଜ୍ୟରେ ୯୦ରୁ ଅଧିକ ଆସନରେ ବିଜୟୀ ହୋଇ ସରକାର ଗଠନ କରିବ ବୋଲି ପ୍ରଦେଶ କଂଗ୍ରେସ କମିଟୀ ସଭାପତି ଶରତ ପଟ୍ଟନାୟକ ରାଜ୍ୟବାସୀଙ୍କୁ କହିଥିବା ଡକ୍ଟର ମହାନ୍ତି ଗଣମାଧ୍ୟମର ପ୍ରତିନିଧି ମାନଙ୍କ ସମ୍ମୁଖରେ ପ୍ରକାଶ କରିଥିଲେ ।
