ବୀରମିତ୍ରପୁର : ସୁନ୍ଦରଗଡ଼ ଜିଲ୍ଲାର ବୀରମିତ୍ରପୁର ଥାନାରେ କାର୍ଯ୍ୟରତ ଜନୈକ ହୋମ ଗାର୍ଡଙ୍କ ଆକସ୍ମିକ ମୃତ୍ୟୁ ଘଟିଥିବା ଜଣା ପଡ଼ିଛି ! ସୂଚନା ମୁତାବକ ମୃତକ ହୋମ ଗାର୍ଡ ଜଣକ ହେଲେ ବାବୁଲୁ ବେହେରା ୪୫ ବର୍ଷ ! ସେ ବୀରମିତ୍ରପୁର ମେଡିକାଲ କଲୋନୀର ବାସିନ୍ଦା ଥିଲେ ! ବୀରମିତ୍ରପୁର ଥାନାରେ ସେ ୨୫ ବର୍ଷ ରୁ ଉର୍ଦ୍ଧ ହେବ ଚାକରୀ କରି ଆସୁଥିଲେ ! ହେଲେ ପ୍ରତ୍ୟକ ଦିନ ପରି ଆଜି ମଧ୍ୟ ସେ ବୀରମିତ୍ରପୁର ଏସ୍ ଡି ପି ଓ କାର୍ଯ୍ୟାଳୟ କୁ କାର୍ଯ୍ୟ କରିବା ପାଇଁ ଯାଇଥିଲେ ହେଲେ କାର୍ଯ୍ୟାଳୟ ର ମୁଖ୍ୟ ଗେଟ୍ ସମ୍ମୁଖ ରେ ସେ ଅଚାନକ ଟଳି ପଡ଼ିଥିଲେ ! ତାଙ୍କୁ ତୁରନ୍ତ ବୀରମିତ୍ରପୁର ସରକାରୀ ଚିକିତ୍ସାଳୟ କୁ ନିଆଯାଇଥିଲା ହେଲେ ଡାକ୍ତର ପରୀକ୍ଷା କରିବା ପରେ ତାଙ୍କ ହୃଦଘାତରେ ମୃତ ହୋଇଛି ବୋଲି ଘୋଷଣା କରିଥିଲେ ! ବାବୁଲୁ ଘରର ଏକ ମାତ୍ର ରୋଜଗାରକ୍ଷମ ବ୍ୟକ୍ତି ଥିଲେ ! ତାଙ୍କ ମୃତ୍ୟୁ ପରେ ଏବେ ତାଙ୍କ ସ୍ତ୍ରୀ, ତିନି ଝିଅ ଓ ଦୁଇ ପୁଅ ରହିଛନ୍ତି ! ଏବେ ପରିବାର ଲୋକେ ଦୁଃଖରେ ଭାଙ୍ଗି ପଡ଼ିଥିବା ବେଳେ ମୃତ୍ୟୁ ଖବର ପ୍ରଚାରିତ ହେବା ପରେ ମେଡିକାଲ କୋଲୋନୀ ବସ୍ତି ରେ ଶୋକର ଛାୟା ଖେଳିଯାଇଛି ! ପରିବାର ଲୋକେ ଜିଲ୍ଲା ପ୍ରଶାସନ ଓ ଜିଲ୍ଲା ପୁଲିସ କୁ ସରକାରୀ ସହାୟତା ପାଇଁ ଦାବି କରିଛନ୍ତି ! ତେବେ ଏହାକୁ ନେଇ ପ୍ରସାଶନ ପକ୍ଷ୍ୟରୁ କୌଣସି ପ୍ରତିକ୍ରିୟା ମିଳି ପାରି ନାହିଁ !
