ଦାରିଙ୍ଗବାଡି,୩/୩ : ଦାରିଙ୍ଗବାଡି ଥାନା ଅନ୍ତର୍ଗତ ହିଲଭିୟୁ ଘାଟି ବୁଲାଣିରେ ଦୁର୍ଘଟଣା ଘଟି ଜଣେ ଯୁବକ ମୃତ ହୋଇଥିବା ବେଳେ ଅନ୍ୟ ୨ ଜଣ ଗୁରୁତର ଆହତ ହୋଇଛନ୍ତି । ଘଟଣାଟି ଦିନ ଦ୍ବିପହରରେ ହୋଇଥିବା ଜଣାପଡ଼ିଛି।ମୃତକ ଜଣକ ହେଲେ ସୁଗାନକେତା ଗ୍ରାମର ପ୍ରିତମ ପ୍ରଧାନ(୧୭)। ଗୁରୁତର ଆହତ ୨ ଜଣ ହେଲେ ସରୀଙ୍ଗିରିପି ଗ୍ରାମର ରିମସନ ପ୍ରଧାନ ଓ ବାଦଲ ପ୍ରଧାନ । ପ୍ରିତମ ସହ ଦୁଇ ଜଣ ଏକ ସ୍କୁଟି ଯୋଗେ ଦାରିଙ୍ଗବାଡିରୁ ନିଜ ଗାଁ ସୁଗାନକେତା ଗ୍ରାମକୁ ଯିବା ବେଳେ ହିଲଭିୟୁ ବୁଲାଣିରେ ଭାରସାମ୍ୟ ହରାଇ ଗାଡ଼ିଟି ଦୁର୍ଘଟଣା ହୋଇଥିଲା । ଫଳରେ ଘଟଣା ସ୍ଥଳରେ ହିଁ ପ୍ରିତମ ମୃତ୍ୟୁ ବରଣ କରିଥିଲେ । ସ୍ଥାନୀୟ ଲୋକେ ଉଦ୍ଧାର କରି ଦାରିଙ୍ଗବାଡି ମେଡ଼ିକାଲରେ ଭର୍ତି କରିଥିଲେ । ଗୁରୁତର ୨ ଜଣଙ୍କୁ ବ୍ରହ୍ମପୁର ବଡ ମେଡ଼ିକାଲ କୁ ରେଫର କରାଯାଇଥିଲା । ଦାରିଙ୍ଗବାଡି ପୋଲିସ ଏନେଇ ମାମଲା ରୁଜୁ କରି ଘଟଣାର ତଦନ୍ତ କରୁଛି ।
