ନୟାଗଡ଼: ଓଡ଼ଗାଁ ରାମ ସାଗର ନିକଟ କଲ୍ୟାଣୀ ମଣ୍ଡପ ରେ ଆନ୍ତର୍ଜାତୀୟ ହୁଇଲ ଚେୟାର ଦିବସ ପାଳିତ ହୋଇଯାଇଛି। ଓଡ଼ଗାଁ ବ୍ଲକ ଆନୁକୁଲ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଅତିରିକ୍ତ ବିଡିଓ କବିତା ପ୍ରଧାନ, ଜିଲ୍ଲା ଭିନ୍ନକ୍ଷମ ସଂଗଠନର ଉପସଭାପତି ବିକ୍ରମ ନାୟକ, ଶିଶୁ ଓ ମହିଳା ଅଧିକାରୀ ଲହଡ଼ି ମାଳା ପ୍ରଧାନ ପ୍ରମୁଖ ଯୋଗ ଦେଇଥିଲେ । ହୁଇଲ୍ ଚେୟାର ଦିବସରେ ଯୋଗ ଦେଇଥିବା ୬୦ଜଣ ଦିବ୍ୟାଙ୍ଗ ଓ ସେମାନଙ୍କ ଅଭିଭାବକଙ୍କ ଉତ୍ସାହ ନିମନ୍ତେ ସଟବଲ ଥ୍ରୋ, ଚିତ୍ରାଙ୍କନ, କୌତୁକ ପୋଷାକ ପ୍ରତିଯୋଗିତା ହୋଇଥିଲା । କୃତି ପ୍ରତିଯୋଗୀଙ୍କୁ ପୁରସ୍କାର ଏବଂ ଅନ୍ୟ ମାନଙ୍କୁ ଶାନ୍ତ୍ବନା ମୂଳକ ପୁରସ୍କାର ପ୍ରଦାନ କରାଯାଇଥିଲା । ୮ଜଣ ଦିବ୍ୟାଙ୍ଗଙ୍କୁ ହୁଇଲ ଚେୟାର ପ୍ରଦାନ କରାଯାଇଥିଲା ।ଏହି କାର୍ଯ୍ୟକ୍ରମରେ ବ୍ଲକ ସାମାଜିକ ସୁରକ୍ଷା ଅଧିକାରୀ ରଜସ୍ଵିନି ପ୍ରଧାନ, ପ୍ରୋଗ୍ରାମ ସହକାରୀ ନୀଳମାଧବ ମିଶ୍ର, ଗୋଷ୍ଠୀ ସମ୍ବଳ ଶିକ୍ଷକ ରବୀନ୍ଦ୍ର ନାଥ ସାହୁ, ରାଜକିଶୋର ପ୍ରଧାନ ସହଯୋଗ କରିଥିଲେ ।
