ଛତ୍ରପୁର : ରାଜ୍ୟ ସରକାର ଙ୍କ ବିଭିନ୍ନ ଯୋଜନା ଗୁଡିକୁ ପାରମ୍ପରୀକ ଲୋକକଳା ମାଧ୍ୟମରେ ପ୍ରଚାର ପ୍ରୟାସ କରାଯିବା ନେଇ ଛତ୍ରପୁର ବ୍ଲକ ର ୩୧ ଗୋଟି ବ୍ଲକ ସାଂସ୍କୃତିକ ଦଳ ପଞ୍ଜୀକୃତ ହୋଇଥିଲେ । ସେମାନେ ଛତ୍ରପୁର ବ୍ଲକ୍ ର ୧୮ ଗୋଟି ପଞ୍ଚାୟତ ବୁଲି ବୁଲି ରାଜ୍ୟ ସରକାର ଙ୍କ ବିଭିନ୍ନ ଯୋଜନାମାନ ଲୋକ ମାନଙ୍କ ପାଖରେ ପହଞ୍ଚେଇବା ପାଇଁ ବିହିତ ପଦକ୍ଷେପ ଗ୍ରହଣ କରି ଆସିଥିଛନ୍ତି ।
ସେହିପରି ଛତ୍ରପୁରର ଅଗ୍ରଣୀ କଳା ସଂଗଠନ ଶ୍ରୀ ଶ୍ରୀ ଲକ୍ଷ୍ମୀ ନୃସିଂହ କାମିନୀ ଦାସୁଡୁ ସେବା ନୃତ୍ୟ କଳା କେନ୍ଦ୍ର ପକ୍ଷରୁ ଦାସୁଡୁ ଗୁରୁ ଆର୍. ସତ୍ୟମ୍ ରେଡ୍ଡୀ ଙ୍କ ନେତ୍ତୃତ୍ୱାଧିନ ଛତ୍ରପୁରର ସଂଗଠନ ଛତ୍ରପୁର ବ୍ଲକ୍ ର ବିଭିନ୍ନ ଗ୍ରାମ ଗ୍ରାମ ବୁଲି ବୁଲି ରାଜ୍ୟ ସରକାର ଙ୍କ ବିଭିନ୍ନ ଯୋଜନାମାନ ଲୋକମାନଙ୍କ ପାଖରେ ପହଞ୍ଚେଇବାରେ ସକ୍ରୀୟ ଭୂମିକା ନେଇଥିବା ହେତୁ ଉକ୍ତ କଳା ସଂଗଠନ ବ୍ଲକ୍ ପ୍ରଶାସନ ତରଫରୁ ଉଚ୍ଚ ପ୍ରଶଂସିତ ହୋଇଛନ୍ତି । ସାଧାରଣରେ ଦାସୁଡୁ ସଂଗଠନର ଆର୍. ସତ୍ୟମ୍ ରେଡ୍ଡୀଙ୍କୁ ସାଧୁବାଦ୍ ଜଣାଇଛନ୍ତି ଏବଂ ବିଭିନ୍ନ ମହଲରେ ଶୁଭେଚ୍ଛା ର ସୁଅ ଛୁଟିଛି ।
