ଚିତ୍ରକୋଣ୍ଡା : ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ନାକାମାମୁଡ଼ି ପଂଚାୟତ ର କେନ୍ଦୁଗୁଡା ଗାଁ ରେ ଅଘଟଣ । ଗତକାଲି ଅପରାହ୍ନ ରେ ଜଳଭଣ୍ଡାର କୁ ଗାଧୋଇବା କୁ ଯାଇଥିଲେ 4 ଜଣ ଶିଶୁ କନ୍ୟା । ଗାଧୋଇବା ସମୟରେ ଜଳଭଣ୍ଡାରର ଗଭୀର ଜଳରାଶିରେ ନିଖୋଜ ହୋଇଯାଇଥିଲେ ଦୁଇ ଶିଶୁ କନ୍ୟା ।ନିଖୋଜ ହୋଇଥିବା ଶିଶୁ ସାବିତ୍ରୀ ମୁଦୁଲି 7ବର୍ଷ, ପିତା -ସନିୟା ମୁଦୁଲି, ଅନ୍ୟ ଜଣେ ଦବିଲି କାଡ଼ଙ୍ଗିଆ ବୟସ 7 ବର୍ଷ ପିତା ଧନୁ କାଡ଼ଙ୍ଗିଆ । ଗତ କାଲି ଅପରାହ୍ନ ରୁ ତଲାସୀ କରୁଥିଲେ କେନ୍ଦୁଗୁଡା ଗ୍ରାମବାସୀ । ଘଟଣା ସ୍ଥଳରେ ଚିତ୍ରକୋଣ୍ଡା ଅଗ୍ନିଶମ, ଚିତ୍ରକୋଣ୍ଡା ପୋଲିସ ଓ କୁଡୁମୁଳୁଗୁମା ତହସିଲଦାର ପହଞ୍ଚି ଗ୍ରାମବାସୀ ସହ ନିଖୋଜ ଥିବା କନ୍ୟା ଶିଶୁ ଖୋଜା ଖୋଜି କରିଥିଲେ । ଆଜି ସକାଳେ ଦୁଇ ଶିଶୁ କନ୍ୟାଙ୍କ ମୃତ ଦେହ ଉଦ୍ଧାର କରାଯାଇ ଶବ ବ୍ୟବଛେଦ ର. ବ୍ୟବସ୍ତା କରୁଛନ୍ତି ପ୍ରଶାସନ ଅଧିକାରୀ ମାନେ କେନ୍ଦୁଗୁଡା ଅଂଚଳରେ ଶୋକ ଛାୟା ଖେଳି ଯାଇଛି ।
