ଦେବଗଡ଼,୧୪ା୨ : ରିଆମାଳ ବୁଢାପାଳ ଗ୍ରାମ ପଂଚାୟତ ସଦର ମହକୁମା ସ୍ଥିତ ହାଇସ୍କୁଲ ପଡିଆଠାରେ ବୁଢାପାଳ ଜୁନିୟର କ୍ଲବ ଆନୁକୂଲ୍ୟରେ ଗତ ୯ ତାରିଖରୁ ଆରମ୍ଭ ହୋଇଥିବା କ୍ରିକେଟ କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି । ଆଜିର ଫାଇନାଲ ମ୍ୟାଚରେ ଅନୁଗୁଳ ଜିଲାର କଳମଛୁଇଁ (ତାଳଚେର) କ୍ରିକେଟ କ୍ଲବକୁ ପରାସ୍ତ କରି ବୁଢାପାଳ କ୍ରିକେଟ କ୍ଲବ ଚମ୍ପିୟାନ ହୋଇଛି । ଫାଇନାଲ ମ୍ୟାଚକୁ ଅମ୍ପାୟାର ଭାବେ ଶ୍ରୀକାନ୍ତ ସାହୁ ଓ ଶ୍ରବଣ ପ୍ରଧାନ ପରିଚାଳନା କରିଥିଲେ । ଶ୍ରୀକାନ୍ତ ସାହୁ ମ୍ୟାଚ ରେଫରୀ ଦାୟିତ୍ୱ ତୁଲାଇଥିବା ବେଳେ ଭାଷ୍ୟକାର ଭାବେ ଉମାକାନ୍ତ ମହନ୍ତ ମ୍ୟାଚର ଧାରା ବିବରଣୀ ପ୍ରଦାନ କରିଥିଲେ । ଅପରାହ୍ନରେ ଆୟୋଜକ ଜୁନିଅର କ୍ଲବର ସଭାପତି କାହ୍ନା ପ୍ରଧାନଙ୍କ ସଭାପତିତ୍ୱରେ ଆୟୋଜିତ ଉଦଯାପନୀ ତଥା ପୁରସ୍କାର ବିତରଣୀ ଉତ୍ସବରେ ମୂଖ୍ୟ ଅତିଥି ଭାବେ ଦେବଗଡ ପୌର ପରିଷଦ ଅଧ୍ୟକ୍ଷା ଶାନ୍ତି ମଞ୍ଜରୀ ଦେଇ, ସମ୍ମାନୀତ ଅତିଥି ଭାବେ ବୁଢାପାଳ ଗ୍ରାମ ପଂଚାୟତର ସମିତି ସଦସ୍ୟ ଲିଙ୍ଗରାଜ ସାହୁ ଓ ବୁଢାପାଳ ଗ୍ରାମ ପଂଚାୟତର ସରପଂଚ ଦିଲ୍ଲିପ କୁମାର ଆଚାର୍ଯ୍ୟ ଯୋଗଦେଇ ନିଜ ନିଜର ବକ୍ତବ୍ୟ ଉପସ୍ଥାପନ କରିବାସହ ଚମ୍ପିୟାନ ବୁଢାପାଳ କ୍ରିକେଟ କ୍ଲବ ଓ ରନର୍ସ ଅପ୍ କଳମଛୁଇଁ କ୍ରିକେଟ କ୍ଲବକୁ ଟ୍ରଫି ସହ ନଗଦ ଅର୍ଥ ପୁରସ୍କାର ପ୍ରଦାନ କରିଥିଲେ । ଶେଷରେ କ୍ଲବର ସମ୍ପାଦକ ଧନଞ୍ଜୟ ଦୀପ ଧନ୍ୟବାଦ ଅର୍ପଣ କରିଥିଲେ । ପ୍ରତିଯୋଗିତା ଆୟୋଜନରେ ପ୍ରତୀକ ପ୍ରଧାନ, ହରିହର ଭୋଇ, ଅପୂର୍ବ ପ୍ରଧାନ , ଜୁଲୁ ବାଘ ଓ ପ୍ରଦୀପ ସାହୁଙ୍କ ସମେତ କ୍ଲବର ସମସ୍ତ ସଦସ୍ୟ ଓ କର୍ମକର୍ତା ସକ୍ରୀୟ ସହଯୋଗ କରିଥିଲେ ।
