ଦେବଗଡ଼,୧୩ା୨ : ତିଲେବଣି ବ୍ଲକ ବଣିଆକିଲିଣ୍ଡା ଗ୍ରାମ ପଂଚାୟତର ସୁନାମୁଣ୍ଡା ଗ୍ରାମରେ ମା’ ମଙ୍ଗଳା କ୍ରିକେଟ କ୍ଲବ ଆନୁକୂଲ୍ୟରେ ଗତ ୮ ତାରିଖରୁ ଚାଲିଥିବା ମା’ ମଙ୍ଗଳା କ୍ରିକେଟ କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି । ଆଜିର ଫାଇନାଲ ମ୍ୟାଚରେ ଟାଇଁସର କ୍ରିକେଟ କ୍ଲବକୁ ୬୩ ରନରେ ପରାସ୍ତ କରି ମହ୍ଲାରବାହାଳ କ୍ରିକେଟ କ୍ଲବ ଚମ୍ପିୟାନ ହୋଇଛି । ଫାଇନାଲ ମ୍ୟାଚକୁ ଅମ୍ପାୟାର ଭାବେ ପପୁ ଦେବ ଓ ଶ୍ରୀଧର ରଣା ପରିଚାଳନା କରିଥିଲେ । ଆଜି ସଂଧ୍ୟାରେ ଆୟୋଜକ ମା’ ମଙ୍ଗଳା କ୍ରିକେଟ କ୍ଲବର ସଭାପତି ପ୍ରଶାନ୍ତ କୁମାର ସାହୁଙ୍କ ତତ୍ୱାବଧାନ ଓ ଉପଦେଷ୍ଟା ଅମରେନ୍ଦ୍ର ଗଙ୍ଗଦେବଙ୍କ ସଭାପତିତ୍ୱରେ ଆୟୋଜିତ ଉଦଯାପନୀ ତଥା ପୁରସ୍କାର ବିତରଣୀ ଉତ୍ସବରେ ମୂଖ୍ୟ ଅତିଥି ଭାବେ ଦେବଗଡ ପୌର ପରିଷଦ ଅଧ୍ୟକ୍ଷା ଶାନ୍ତି ମଞ୍ଜରୀ ଦେଇ, , ସମ୍ମାନୀତ ଅତିଥି ଭାବେ ତିଲେଇବଣି ଜୋନ-୨ର ଜିଲା ପରିଷଦ ସଦସ୍ୟା ପୁଷ୍ପାଞ୍ଜଳୀ ସାମଲ, ଜିଲା ବିଜେଡି ସଭାପତି ଇଂ.ଚିତ ରଞ୍ଜନ ପ୍ରଧାନ, ପୂର୍ବତନ ଜିଲା କଂଗ୍ରେସ ସଭାପତି ଉମାଶଙ୍କର ସାହୁ , ସାମ୍ବାଦିକ ସିଦ୍ଧାର୍ଥ ଗୁରୁ ,ନଗର ବିଜେଡି ସଭାପତି ଶୁକଦେବ ଭଞ୍ଜ , ଆଇନଜୀବୀ ବିକାଶ କୁମାର ପ୍ରଧାନ ଓ ବଣିଆକିଲିଣ୍ଡା ଗ୍ରାମ ପଂଚାୟତର ସରପଂଚ ବୁଦ୍ଧଦେବ ଗଢେଇ ଯୋଗଦେଇ ନିଜ ନିଜର ବକ୍ତବ୍ୟ ଉପସ୍ଥାପନ କରିବାସହ ଚମ୍ପିୟାନ ମଲ୍ଲାରବାହାଳ କ୍ରିକେଟ କ୍ଲବ ଓ ରନର୍ସ ଅପ୍ ଟାଇଁସର କ୍ରିକେଟ କ୍ଲବକୁ ପୁରସ୍କାର ପ୍ରଦାନ କରିଥିଲେ । ଶେଷରେ କ୍ଲବର ସମ୍ପାଦକ ଶ୍ରୀଧର ରଣା ଧନ୍ୟବାଦ ଅର୍ପଣ କରିଥିଲେ । ପ୍ରତିଯୋଗିତା ଆୟୋଜନରେ ମା’ ମଙ୍ଗଳା କ୍ରିକେଟ କ୍ଲବର ସଞ୍ଜୀବ ରଣା, ପପୁ ଦେବ, ଆକାଶ ସାହୁ,ଶାନ୍ତନୁ ବେହେରା, ଅମିତ ସାହୁ, ସୁରେନ୍ ଧଳ, ଖଗେଶ୍ୱର ରଣା ଓ ନରାଜା ବେହେରାଙ୍କ ସମେତ କ୍ଲବର ସମସ୍ତ ସଦସ୍ୟ ଓ କର୍ମକର୍ତା ସକ୍ରୀୟ ସହଯୋଗ କରିଥିଲେ ।
