ଓଡ଼ଗାଁ : ନୟାଗଡ ଜିଲ୍ଲା ଓଡ଼ଗାଁ ଆଦର୍ଶ ଥାନା ଅନ୍ତର୍ଗତ କୋମଣ୍ଡ ଗ୍ରାମରେ ପାଣି ପାଇପ ଚୋରି ଘଟଣାରେ ପୋଲିସ ୨ଟି ଟ୍ରକ୍ ସମେତ ପାଣି ପାଇପ ଜବତ କରିଛି । ସୂଚନା ଅନୁଯାୟୀ ଓଡ଼ଗାଁ ପଞ୍ଚାୟତ ସମିତି ଅନ୍ତର୍ଗତ ସମସ୍ତ ପଞ୍ଚାୟତର ପ୍ରତ୍ୟେକ ଘରକୁ ବିଶୁଦ୍ଧ ପାଣି ଯୋଗାଣ ନିମନ୍ତେ କେଇସି ଇନଟର ନ୍ୟାସନାଲ ଲିମିଟେଡ ସଂସ୍ଥା ଦ୍ବାରା ନିର୍ମାଣ କାର୍ଯ୍ୟ ଚାଲୁ ରହିଛି । କୋମଣ୍ଡ ଗ୍ରାମରେ ୨୦୦ଏମ ଏମ ପାଇପ ଲାଇନ ବିଛାଇବା ନିମନ୍ତେ ଗାତ ଖୋଳି ପଡ଼ିଥିବା ବେଳେ ଗତକାଲି ରାତିରେ କିଛି ଦୁର୍ବୃତ୍ତ ଏହାକୁ ଚୋରି କରିବା ପାଇଁ ଟ୍ରକ୍ ମାଧ୍ୟମରେ ଲୋଡ କରୁଥିବା ବେଳେ ସ୍ଥାନୀୟ ଲୋକେ ଘେରି ଯାଇଥିଲେ । ଦୁର୍ବୃତ୍ତ ମାନେ ଚମ୍ପଟ ମାରିଥିବାବେଳେ ଉକ୍ତ ସଂସ୍ଥାର ସୁପରଭାଇଜର ମନୋଜ କୁମାର ଜେନା ଓଡ଼ଗାଁ ଥାନାରେ ଲିଖିତ ଅଭିଯୋଗ କରିଛନ୍ତି । ଓଡ଼ଗାଁ ପୋଲିସ୍ ୬୪/୨୪ରେ ଏକ ମାମଲା ରୁଜୁ କରି ପାଇପ ଚୋରି ରେ ବ୍ୟବହୃତ ଏଚଆର ୫ବି ୩୫୩୬ ଓ ଡ଼ବ୍ଲୁବି ଆଇଆଇସି ୪୧୫୨ନମ୍ବର ବିଶିଷ୍ଟ ଦୁଇଟି ଟ୍ରକ୍ ଓ ସେଥିରେ ଥିବା ପାଇପ କୁ ଜବତ କରିଛନ୍ତି । ପୋଲିସ ଏ ନେଇ ପୁଙ୍ଖାନୁପୁଙ୍ଖ ତଦନ୍ତ ଆରମ୍ଭ କରିଥିବା ବେଳେ ଏହା ପଛରେ ଏକ ବଡ଼ ଗ୍ୟାଙ୍ଗ ର ସଂପୃକ୍ତି ଥିବାର ଅନୁମାନ କରାଯାଉଛି ।
