ଦେବଗଡ଼,୨୩ା୧୧, ଦେବଗଡ ଅବକାରୀ ବିଭାଗ ପକ୍ଷରୁ ଆଜି ରିଆମାଳ ଥାନା ଅନ୍ତର୍ଗତ ତାଳକୁଣ୍ଡି ଗ୍ରାମରେ ଚଢଉ କରାଯାଇ ୧କିଲୋ ୨୦୦ ଗ୍ରାମ ଓଜନର ବେଆଇନ ଗଞ୍ଜେଇ ଜବତ କରାଯିବାସହ ଉକ୍ତ ଗ୍ରାମର କିଶୋର ପ୍ରଧାନ (୬୩)ଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଅବକାରୀ ବିଭାଗ ସୂତ୍ରରୁ ମିଳିଥିବା ସୂଚନା ଅନୁଯାୟୀ କିଶୋର ତାଳକୁଣ୍ଡି ଗ୍ରାମରେ ଥିବା ନିଜର ଦୋକାନ(କ୍ୟାବିନ)ରେ ଗଞ୍ଜେଇ ରଖି ବିକ୍ରି କରୁଥିବା ଅବକାରୀ ବିଭାଗକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା । ଏହି ସୂଚନା ଆଧାରରେ ଇନ୍ସପେକ୍ଟର ମଧୁସୂଦନ ସାହୁଙ୍କ ନେତୃତ୍ୱରେ ଏସ୍ଆଇ ଚନ୍ଦ୍ରଶେଖର ପଡିହାରୀ, ଶଶିକାନ୍ତ ରାଉତ, ଏଏସ୍ଆଇ ରାଜକିଶୋର ସାହୁ ଓ ପ୍ରହଲ୍ଲାଦ ବିଶ୍ୱାଳ ପ୍ରମୁଖ ଆଜି ସକାଳେ ଉକ୍ତ ଗ୍ରାମରେ ପହଂଚିଥିଲେ । ଏହି ସମୟରେ କିଶୋର ଏକ ବ୍ୟାଗ୍ ଯୋଗେ ବେଆଇନ ଗଞ୍ଜେଇ ନେଇ ଯାଉଥିବା ଦେଖି ଅବକାରୀ କର୍ମଚାରୀ ମାନେ ତାଙ୍କୁ ଅଟକାଇବା ସହ ଯାଂଚ କରିଥିଲେ । ଯାଂଚ ସମୟରେ ଉକ୍ତ ବ୍ୟାଗରେ ୧କିଲୋ ୨୦୦ ଗ୍ରାମ ଗଞ୍ଜେଇ ବେଆଇନ ରହିଥିବା ଜଣାପଡିବାରୁ ଏହାକୁ ଜବତ କରିବାସହ ସହ କିଶୋରଙ୍କୁ ଗିରଫ କରି ଜିଲା ଅବକାରୀ କାର୍ଯ୍ୟାଳୟଜୁ ଆଣିଥିଲେ । ଅପରାହ୍ନରେ କିଶୋରଙ୍କୁ କୋର୍ଟଚାଲାଣ କରାଯାଇଥିବା ଜଣାପଡିଛି ।
