ଫୁଲବାଣୀ : କନ୍ଧମାଳ ଜିଲ୍ଲା ଟିକାବାଲି ଥାନା ସମ୍ମୁଖରେ ସାଇବର ସଚେତନତା ରଥକୁ ସ୍ୱାଗତ କରାଯାଇଥିଲା l ଟିକାବାଲି ଥାନା ଅଧିକାରୀ ଶ୍ରୀମତୀ କଲ୍ୟାଣମୟୀ ଷଣ୍ଡଙ୍କ ନେତୃତ୍ୱରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l କଲେଜ ଓ ହାଇସ୍କୁଲ ଛାତ୍ରଛାତ୍ରୀ ବିରାଟ ରାଲିରେ ସଚେତନ ରଥ ସହ ସହର ପରିକ୍ରମା କରି ସାଇବର ସୁରକ୍ଷା ଉପରେ ସଚେତନତା କରିଥିଲେ l ହାଇସ୍କୁଲ ପଡିଆରେ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା l ଡି. ଏସ. ପି ହୃଷିକେଶ ନାୟକ, ଟିକାବାଲି କଲେଜ ଅଧ୍ୟକ୍ଷ ଦୀନବନ୍ଧୁ ମହାନ୍ତି,ସାଇବର ଅଧିକାରୀ ତରୁଣ ତପନ ବେହେରା, ବିଜୟ ବିଷୋୟୀ, ସଞ୍ଜୟ ସ୍ୱାଇଁ, ପ୍ରୋଗ୍ରାମ ଅଫିସର ଅଧ୍ୟାପକ ଜ୍ଞାନରଞ୍ଜନ ଭୋଇ, ମଞ୍ଚାସୀନ ଥିଲେ l ଅଧ୍ୟକ୍ଷ ମହାନ୍ତି ଓ ଡି. ଏସ. ପି ନାୟକ ଛାତ୍ରଛାତ୍ରୀଙ୍କୁ ବିଭିନ୍ନ ସାଇବର ଠକେଇ କିପରି ହେଉଛି ଓ ନିଜର ବ୍ୟକ୍ତିଗତ କୌଣସି ତଥ୍ୟ ଅପରିଚିତ ବ୍ୟକ୍ତିକୁ ନଦେବାପାଇଁ ପରାମର୍ଶ ଦେଇଥିଲେ, ସାଇବର ଠକେଇ କିପରି ହେଉଛି ଓ ଏ ହାର ପ୍ରତିରୋଧ କିପରି କରାଯିବ ପ୍ରଥପ୍ରାନ୍ତ ନାଟକ ଓ ନୃତ୍ୟ ମାଧ୍ୟ୍ୟମରେ ସଚେତନ କରାଯାଇଥିଲା l ଅଧ୍ୟାପକ ବିରୂପାକ୍ଷ ତ୍ରିପାଠୀ, ଖେଳ ଶିକ୍ଷକ ସୁଶାନ୍ତ ଭୋଳ, ସୁଧାଂଶୁ ବେହେରା, ଦେବାଶିଷ ସାହାଣୀ,ସହଯୋଗ କରିଥିଲେ l
