ଫୁଲବାଣୀ : କନ୍ଧମାଳ ଜିଲ୍ଲା ଚକାପାଦ ବ୍ଲକର ଶଙ୍କରାଖୋଲ ଠାରେ ଅବସ୍ଥିତ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ବିଶ୍ବ ନିବେଶକ ସପ୍ତାହ ପାଳିତ ହୋଇଯାଇଛି । ଏ଼ଥିରେ ପୂର୍ବତନ ଅତିରିକ୍ତ ସଚିବ ତଥା NISM ର ରିସୋର୍ସ ପରସନ ଶାନ୍ତନୁ ମହାନ୍ତି ଯୋଗଦେଇ ବିଶ୍ବ ନିବେଶକ ସପ୍ତାହ ବିଷୟରେ ସଂକ୍ଷେପରେ ସୂଚନା ଦେବା ସହିତ ଷ୍ଟକ ମାର୍କେଟ , ନିବେଶକ ଯୋଜନା,ଏହାର ନିୟମାବଳୀ ଓ ସୁରକ୍ଷିତ ନିବେଶ ସମ୍ପର୍କରେ ଆଲୋଚନା କରିଥିଲେ । ଅଧିକ ସୁଧ ପାଇବା ପାଇଁ କିପରି ଅର୍ଥ ନିବେଶ କରାଯାଇ ପାରିବ ସେ ବିଷୟରେ ବୁଝାଇବା ସହିତ ଏକ ପୁସ୍ତକ ବଣ୍ଟନ କରିଥିଲେ । ଏଥିରେ ବିଦ୍ୟାଳୟର ଛାତ୍ର ଛାତ୍ରୀ , ଅଧ୍ୟାପିକା, କର୍ମଚାରୀ ଓ ସ୍ଥାନୀୟ ବିଦ୍ୟାଳୟ ମାନଙ୍କରୁ ଶିକ୍ଷକ ଓ ଶିକ୍ଷୟତ୍ରୀ ମାନେ ଯୋଗ ଦେଇଥିଲେ । ବିଦ୍ୟାଳୟର ଅଧ୍ୟକ୍ଷ ଡଃ. ସନ୍ତୋଷ କୁମାର ପ୍ରଧାନ ସଭାପତିତ୍ୱ କରିଥିଲେ । ବୈଷୟିକ ସହାୟକ କାହ୍ନୁ ଚରଣ ସାହୁ ପ୍ରୋଜେକ୍ଟର ମାଧ୍ୟମରେ ସମସ୍ତ ଉପାଦେୟ ସୂଚନା ପ୍ରଦର୍ଶନ କରିଥିଲେ । ବରିଷ୍ଠ ଅଧ୍ୟାପକ ଡ଼ ବାବୁଲା ପାଟଜୋଶୀ ପରିଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
