ମାଲକାନଗିରି ଜିଲ୍ଲା ମାଥିଲି ବନ ଖଣ୍ଡ ଅଧୀନରେ ଦୁଇଜଣ ବ୍ୟକ୍ତି ଗୋଟିଏ ମୃତ ବଜ୍ରକାପ୍ତାର ଚାଲାଣ କରୁଥିବା ବେଳେ ବନ ବିଭାଗ ଦ୍ଵାରା ଗିରଫ । ମିଳିଥିବା ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ମାଥିଲି ବନ ଖଣ୍ଡ ଅଞ୍ଚଳରେ ଦୁଇଜଣ ବ୍ୟକ୍ତି ଗୋଟିଏ ମୃତ ବଜ୍ରକାପ୍ତାକୁ ଚାଲାଣ କରୁଥିବା ଖବର ପାଇ ବନ ବିଭାଗର ଏକ ଟିମ ଚଢଉ କରିଥିଲେ । ଚେଡେଙ୍ଗା ଗ୍ରାମ ନିକଟରେ ଦୁଇଜଣ ବ୍ୟକ୍ତି ଗୋଟିଏ ମୋଟର ସାଇକେଲ ଯୋଗେ ଏହି ମୃତ ବଜ୍ରକାପ୍ତାକୁ ନେଇ ଯାଉଥିବା ବେଳେ ବନ ବିଭାଗର ଅଧିକାରୀ ମାନେ ସେମାନଙ୍କୁ କାବୁ କରିଥିଲେ । ସେମାନଙ୍କ ନିକଟରୁ ଗୋଟିଏମୃତ ବଜ୍ରକାପ୍ତାକୁ ବନ କର୍ମଚାରୀ ମାନେ ଉଧାର କରିଥିବା ବେଳେ ଉଭୟ ବ୍ୟକ୍ତିଙ୍କୁ ଗିରଫ ଆଜି ସେମାନଙ୍କୁ ମାଥିଲି କୋର୍ଟକୁ ଚାଲାଣ କରାଯାଇଥିବା ବନ ବିଭାଗ ପକ୍ଷରୁ ସୂଚନା ଦିଆଯାଇଛି । ଗିରଫ ବ୍ୟକ୍ତି ମାନେ ହେଲେ ଚେଡେଙ୍ଗା ଗ୍ରାମର ରାମଚନ୍ଦ୍ର ଦୋରା ଓ ଅଭି ଗୌଡ ବୋଲି ଜଣା ପଡିଛି । ଏହି ଚଢଉ ବେଳେ ମାଥିଲି ବନ ଖଣ୍ଡ ଅଧିକାରୀ ବାସୁଦେବ ନାୟକ, ମୁରଲୀ ମହାରଣାଙ୍କ ସହ ଅନ୍ୟ ବନ କର୍ମଚାରୀ ମାନେ ଉପସ୍ଥିତ ଥିଲେ ।
